Sergei Dmitrijewitsch Ionow

Sergei Dmitrijewitsch Ionow (russisch Сергей Дмитриевич Ионов; bi den Weltschachverband FIDE Sergey Ionov; * 7. Januar 1962) is en russisch Schachspeler un -trainer.

Sergei Dmitrijewitsch Ionow, 2009

Werdegang ännern

Ionow wurr in’n Nowgoroder Schachklub un an de ansehn Botwinnik-School traineert. 1977 wunn he de Jöögdmeesterschap vun Russland. Siet 1981 drocht he den Titel vun en natschonalen Meester.

Bi de Sankt Petersburger Stadtmeesterschapen keem he 1992 un 2003 jewiels up den 2. Platz. Bi de russisch Eenzelmeesterschap 1994 in Elista keem he up den deelten darten Platz achter Pjotr Swidler un Michail Ulibin. 2001 keem he weer in Elista bi de Meesterschapen up en deelten 4.- 20. Platz. Dreemal wunn he de russisch Mannschapsmeesterschap: 1992 mit Sankt Petersburg in Podolsk, 2000 un 2001 mit Lentransgas in Smolensk bzw. Tomsk.

Ionow wurr 1990 vun de FIDE to’n Internatschonalen Meester un 1996 to’n Grootmeester nöömt. 1998 reck he mit 6½ Punkten den tweeten Platz achter Michail Brodsky bi dat 60. Hoogovens-Turnier (Reservegroup) in Wijk aan Zee. Oruphen kreeg he för dat kommend Johr en Inladen för de B-Grupp. Dor reck he den darten Platz, punktgliek mit John van der Wiel. Wiedere Erfolge up internatschonaler Ebene reck he bi dat Petrow-Gedenkturnier 1998 (deelt eerst erster Platz) un bi de Tschigorin-Gedenkturnieren 1999 bzw. 2005 (deelt dart Platz). 2017 wunn he mit Sankt Petersburg de Mannschapsweltmeesterschap vun de Senioren (över 50 Johr) in Limenas Chersonisou.

Ionow is as Jöögdtrainer un Liddmaat vun den Trainerraat in den Sankt Petersburger Schachverband tätig. In de Vergangenheit hett he ünner annern Waleri Salow un Jewgeni Alexejew betrüet.

Sien hööchste Elo-Tall weer 2559, de he in’n Mai 2011 reckt hett.

Weblinks ännern