Serhij Anatolijowytsch Sednjew (ukrainsch: Сергій Анатолійович Седнєв}}, russisch: Сергей Анатольевич Седнев}}; * 19. Dezember 1983 in Hluchiw, Oblast Sumy, Ukrainsche Sozialistische Sowjetrepublik, Sowjetunion) is en ehmalger ukrainsch Biathlet.

Serhij Sednjew is siet dat Johr 2002 in‘ Junioren-Europacup antreeden. Hier wunn he in Ridnaun twee Rennen. Bi de Junioren-Europameesterschap 2004 in Minsk wunn he Sülver mit de Staffel, bi de Junioren-Weltmeesterschap 2004 in Haute Maurienne Bronze in de Verfolgung. In‘ Sömmer van dat Johr wunn he todem Bronze in de Verfolgung bi de Juniorenweltmeesterschapen in‘ Sömmerbiathlon van Osrblie. Düchtig spoodriek leep he bi de Universiade 2007 in Turin, wo he Sülver in‘ Eenzel un mit de Staffel, as ok Bronze in‘ Sprint un in de Verfolgung wunn.

2004 wurr Sednjew ok eerstmals in‘ Biathlon-Weltcup insett un keem in den 10-km-Sprint van Ruhpolding up den 67. Platz. In de folgen Johren is he tüschen Welt- un Europacup hen un her wesselt. Eerst in de Saison 2006/2007 kunn he sück wat up höhger Niveau stabiliseeren. Eerstmals nehm he 2007 an en Biathlon-Weltmeesterschap deel un keem dor in dat 20-km-Eenzelrennen up den 42. Platz. Wiels de Saison 2007/08 kunn he mit den 26. Platz in dat Eenzel vun Kontiolahti sien eerste Weltcuppunkte halen. In‘ Dezember 2007 in Pokljuka stunn he mit en darten Platz in dat Eenzelrennen eerstmals up dat Siegerpodest. An Enn‘ vun de Saison belegg he in de Weltcupgesamtwertung den 46. Platz. Den Platz belegg he ok in de Gesamtwertung van de Folgesaison.

In de Saison 2009/2010 gelung Serhij Sednjew in Antholz, weer in en Eenzel, sien eerst Sieg in‘ Weltcup vör allen wegen sien fehlerfree Scheetleistung. In de Weltcup-Gesamtwertung leeg he an dat Enn‘ van de Saison up Platz 22 un in‘ Eenzelweltcup reck he sogor den veerten Platz.

Sednjew nehm an de Olympisch Winterspelen 2010 deel. Sien best Resultat weer dorbi de teihnte Platz in de Verfolgung. Mit de Staffel belegg he Rang acht. Ok in de Saison 2010/11 bleev Sednjew spoodriek un keem up Platz 16 in de Gesamtwertung. De Folgesaison leep denn nich mehr so good. Platz 15 weer sien best Eenzelresultat un in de Gesamtwertung reck he blots Platz 54. In de Saison 2012/13 keem he ok blots up Rang 45 in de Gesamtwertung.

An‘ 19. Dezember 2014 is he unverwacht torüchtreeden.[1] Knapp een Maand later hett de Biathlon-Weltverband IBU mitdeelt, dat bi en nee Ünnersöken van en Dopingtest van‘ Januar 2013 bi Sednjew EPO faststellt wurr. He hett denn up dat Apenmaaken van de B-Proov Afstand nommen[2] un wurr för twee Johr sparrt.[3]

WeblenkenÄnnern

Enkeld NahwiesenÄnnern

  1. Сергей Седнев. Капитан команды с большой буквы www.biathlon.com.ua 19. Dezember 2014
  2. Weltverband überführt EPO-Doper Sportschau 12. Januar 2015
  3. Ex-Biathlet Sednew für zwei Jahre gesperrt handelsblatt.com 24. April 2015