Siegfried Emmo Eulen

Siegfried Emmo Eulen (* 23. September 1890 in Cloppenborg; † 20. Januar 1945 in Weeze) weer ene wichtige Person bi den Volksbund Düütsche Kriegsgräverförsorg.

Eulen hett in Freeborg studeert un ok den Dokter maakt. He weer in de Burschenschaft Teutonia Freiburg. In’n Eersten Weltkrieg weer he in Polen un de Törkie as Offizier ünnerwegens un schull sik üm de dorigen Kriegsgräver kümmern. He hett 1919 den Volksbund Düütsche Kriegsgräverförsorg mit grünnt un weer denn vun 1925 af an de Generalsekretär un vun 1933 af an de Vörsitter vun den Volksbund. Vun Eulen sien Plään för ene Internatschionale Kriegsgräverförsorg mit Sitt in Genf is nix vun worrn. 1939 hebbt se Eulen as Soldat intagen. 1945 is he in dat Lazarett Slott Wissen doodbleven, nadem he verwunnt worrn weer, un is op de Kriegsgräversteed in Weeze begraven.

Vun 1952 bet 1963 hett de Volksbund in Eulen sien Andenken de Siegfried-Emmo-Eulen-Plakett utgeven. In Weeze heet hüüt ene Straat na em.

Weblenken ännern