De Silingen oder ok Silinger weern en oostgermanisch Deelstamm vun de Wandalen, de up dat Rebett vun dat hüdige Schlesien siedelt hett. Mögelkerwies leidt sück de Naam Schlesien (poolsch Śląsk) vun de Silingen af. Tosommen mit de anner Deelstamm vun de Wandalen, de Asdingen, sünd de Silingen 406 in Gallien infallen. Dornah trucken sie wieder nah Spanien un hebbt sück dor in de Provinz Baetica (etwa dat hüdige Andalusien) dall laten. Nahdem se wichtig Kampen tegen de Westgoten verloren harrn, hebbt sück de överbleben Silingen de Königen vun de Asdingen ünnerstellt. Ünner de Führung vun Geiserich trucken se tosommen mit de Asdingen un de Alanen nah Afrika. Se hebbt dor en Wandalenriek ünner de Führung vun asdingschen Königen erricht, wat bit 533 bestahn bleev. Rom wurr in dat Johr 450 dör de Wandalen plünnert "Vandalismus").

As Silingen weern aber ok Liddmaaten vun dat Corps Silingia Breslau zu Köln nömmt, wat en elitär slagend Studentenverbinnen is, de hör Seet an de Universität Köln hett.