Silvano Piovanelli

Silvano Kardinal Piovanelli (* 21. Februar 1924 in Ronta di Mugello, Provinz Florenz, Italien; † 9. Juli 2016 in Florenz) weer emeriteert Arzbischop vun Florenz.

Kardinalswappen vun Silvano Piovanelli

Leven

Silvano Piovanelli hett af 1935 twalf Johr lang an dat Preesterseminar vun Florenz studeert un wurr 1947 Preester. Ansluutend hett he een Johr lang as Kurat un Sekretär arbeit, bevör he 1948 to’n Subregens vun dat Florentiner Knabenseminar bestimmt wurr. Van 1960 bit 1979 wark he as Pfarrer in Castelfiorentino, wo he sück besünners för de sozialen Belange vun de Arbeiter insetten dee. 1979 hett hüm sien Arzbischop to’n Generalvikar nömmt. Paapst Johannes Paul II. hett hüm an’ 4. Dezember vun dat sülvig Johr den Titel Ehrenprälat Seiner Heiligkeit verleeht.

1982 wurr he vun Johannes Paul II. to’n Titularbischop vun Tubunae in Mauretania un to’n Weehbischop in Florenz nömmt. De Bischopsweehen hett hüm de Florentiner Arzbischop Giovanni Kardinal Benelli a’ 24. Juni vun dat sülvig Johr spend. Mitkonsekratoren weern de Oltbischop vun Fiesole, Antonio Bagnoli, un de Bischop vun Pescia, Giovanni Bianchi.

Nah den unverwachten Dood vun Kardinal Benelli hett hüm Paapst Johannes Paul II. an’ 18. März 1983 to de sien Nahfolger as Arzbischop vun Florenz nömmt un hett hüm an’ 25. Mai 1985 as Kardinalpreester mit de Titelkark Santa Maria delle Grazie a Via Trionfale in dat Kardinalskollegium upnommen. Dat Arzbisdom Florenz hett Piovanelli bt to sien Emeriteeren in dat Johr 2001 leit.

An dat Konklave 2005, in dat Paapst Benedikt XVI. wählt wurr, un an dat Konklave 2013, in dat Paapst Franziskus wählt wurr, hett he nich deelnommen, weil he to dissen Tietpunkt, dat för de aktive Paapstwahl tolässig Hööchstöller vun 80 Johren all överschreeden harr.

Weblenken

• [1] Indrag to Silvano Piovanelli up catholic-hierarchy.org (engelsch)