Sinuiju
Sinuiju is de Höövdstadt von de Provinz Noord-Pyongan in Noordkorea. De Stadt liggt direkt an de Grenz na China an’n Grenzstroom Yalu, dicht bi de Münn von Yalu in de Bucht von Korea. Se hett 288.112 Inwahners (Stand 1. Januar 2005) op en Rebeed von 180 km². En Deel von de Stadt weer Deel von de Sünnerverwaltensregion Sinuiju.
_Sinuiju_Clear.svg){kind=spacer}
Historie
ännernDe Stadt Sinuiju is in de Tied von de Japaansche Herrschop in Korea 1910 bet 1945 grünnt worrn. De Naam kummt von de Stadt Uiju af, de so bi teihn Kilometer na’n Oosten to liggt. Sinuiju bedüüdt Nee-Uiju. An de Steed harrn de Japaners en Brügg över’n Yalu boot (de hüdige Sinokoreaansche Fründschopsbrügg). Besünners de Holtindustrie, de jemehr Produkten den Yalu daltransporteert hebbt, hett bi dat Utwickeln von Sinuiju mithulpen. Nadem de Supung-Staudamm boot worrn is, harr de Stadt ok Togang to goodkopen Stroom un en Chemieindustrie hett sik utwickelt.
In’n Koreakrieg is de Stadt swoor utbummt worrn. Alleen bi’n Luftangreep an’n 10. November 1950 hebbt 79 US-amerikaansche B29-Bomber 550 Tunnen Brandbummen op de Stadt afsmeten.
Verkehr
ännernDe Pyongui-Lien verbinnt Sinuiju per Iesenbahn mit Pjöngjang. Mit de Iesenbahnbrügg över den Yalu na China is Sinuiju ok de wichtigste Grenzövergang för den Hannel mit China. De Stadt hett ok en lütten Flegerhaven mit en Lannbahn von 1,2 km. Ok en Haven hett de Stadt.
Stadtdelen
ännernSinuiju is opstunns opdeelt in 24 Stadtdelen un veer Dörper.[1]
| Naam | Chosŏn'gŭl | Hancha |
|---|---|---|
| Apkang | 압강동 | 江|洞 |
| Chaeha | 채하동 | 霞|洞 |
| Chongsong | 청송동 | 松|洞 |
| Haebang | 해방동 | 洞 |
| Kaehyok | 개혁동 | 洞 |
| Kunhwa | 근화동 | 花|洞 |
| Kwanmun | 관문동 | 門|洞 |
| Namha | 남하동 | 下|洞 |
| Namjung | 남중동 | 中|洞 |
| Namsang | 남상동 | 上|洞 |
| Namso | 남서동 | 西|洞 |
| Namsong | 남송동 | 松|洞 |
| Oil | 오일동 | 一|洞 |
| Paeksa | 백사동 | 沙|洞 |
| Paekun | 백운동 | 雲|洞 |
| Ponbu | 본부동 | 部|洞 |
| Sinnam | 신남동 | 南|洞 |
| Sinwon | 신원동 | 元|洞 |
| Yokjon | 역전동 | 前|洞 |
| Hadan | 하단리 | 端|里 |
| Sangdan | 상단리 | 端|里 |
| Taji | 다지리 | 智|里 |
| Songso | 성서리 | 西|里 |
Kultur
ännernSport
ännernDe wichtigste Sportvereen von Sinuiju is Lokomotiv Sinuiju, de in’t Sinuiju-Stadion speelt un al fakener noordkoreaansch Footballmeester worrn is.
Lüüd
ännernDe Marathonlöper Sohn Kee-chung is 1912 in Sinuiju boren.
Footnoten
ännern
Städer: Chongju | Kusong | Sinuiju (Höövdstadt)
Kreise: Changsong | Cholsan | Chonma | Hyangsan | Kujang | Kwaksan | Nyongbyon | Pakchon | Pihyon | Pyokdong | Ryongchon | Sakchu | Sindo | Sonchon | Taechon | Taegwan | Tongchang | Tongrim | Uiju | Unjon | Unsan | Yomju
Koordinaten:40° 6′ N, 124° 24′ O