Sinus urogenitalis

De Sinus urogenitalis is en Vörlöperstruktur bi Embryos vun verscheden MIeg- un Geslechtsorganen.

De Sinus urogenitalis bi en Embryo (f.) in de neegten Week (ut: Gray's Anatomy)

Bi’n Minsch gifft dat bit to de föfften Week vun de Entwicklen noch keen Afgrenzen twüschen den Anal- un den Urogenitalkanal. Man snackt allgemeen vun en Kloaak. Wiel de föfften Week warrt de Kloaak dör dat vun kranial op ehr towassen Septum urorectale in twee Höhlen ünnerdeelt: den Anorektalkanal un den Sinus urogenitalis.

Ut den Sinus urogenitalis entwickelt sik:

• bi beid Geslechter: de Miegblaas un de Miegröhr (bi Mannslüüd blots to’n Deel)
• bi Mannslüüd: de Prostata (Vörstaherdrüüs), de Bulbourethraldrüse (Cowpersche Drüüs) un de Utriculus prostaticus
• bi Fronslüüd: de Vaginalepithel, Glandula vestibularis major (Bartholinsch Drüüs) un de Glandulae verstibulares minores