Slott Fürstenberg (Fürstenberg an de Werser)
Da Slott Fürstenberg befind sück in Fürstenberg (Werser) in‘ Landkreis Holtsminne in den Natuurpark Solling-Vogler un is Seet vun de 1747 grünnd Porzellanmanufaktur Fürstenberg.
Dat ünner Denkmalschuul stahn Slott beherbargt siet 1957 dat Museum vun de Porzellanmanufaktur.
Geschichte
ännernMiddelöller
ännernUp den „Vorstenberch“ (Forstinbarg), den Felsrügg vun den Kathagenbarg, entstunn en Toornborg to dat Sekern vun den Heerweg un de Wersergrenz tegenöver de Brunsborg un de Stadt Höxter up de anner Wersersiet. De keem um 1300 to dat Fürstendom Brunswiek-Wulfenbüttel un wurr 1355 eerstmalsin en Oorkunn nömmt. 1382 weer de Toornborg Eegendom vun den Hartog Otto I. vun Brunswiek-Chöttingen un hörr to dat Fürstendom Chöttingen.
En vun Johannes Letzner bericht Sage nah hörr de Borg in dat fröh Middelöller to de Grafschap Dassel.[1]
Neetiet
ännern
.jpg)
Um 1600 hett Hartog Heinrich Julius vun Brunswiek-Wulfenbüttel de Befestigungsanlaag to en Jagdslott umbaut, de sien Fassade in‘ Baustil vun de Werserrenaissance upricht wurr. Dat Jagdslott weer togliek Sitt vun dat Amt Fürstenberg, vun wo ut de fürstlichen Lännereen un Waldrebeeden verwalt wurrn. Midden vun dat 18. Johrhunnert wurr dat Slott blots noch deelwies as Jagdslott bruukt un Karl I. vun Brunswiek-Wulfenbüttel hett sien Hoffjägermeester Johann Georg von Langen mit de Errichtung vun en Porzellanmanufaktur beupdragt, deren Sitt sück siet de Grünnen an‘ 11. Januar 1747 an dat Slott befinnd.
De bitherigen Amtshüüs wurr nah buterhalv vun dat Slott leggt un wiedere Wahnhüüs för de Arbeiter baut. Van 1807 bit 1813 hörr dat Slott mit de Manufaktur to dat napoleoonsch Königriek Westphalen un keem nah den Wiener Kongress to dat Hartogdom Brunswiek.
1972 wurrn neben dat Slott en nee Produktschonsgebäude för de Porzellanmanufaktur baut un de Produktschoon in dat Slott instellt. De nahträglichen Anbauten an dat oorsprünglich Slott wurrn weer wegreeten. Dat hüüd ünner Denkmalschuul stahn Slott beherbargt siet 1957 dat Museum vun de Porzellanmanufaktur un gifft en Överblick över deren Produktschoon vun de Anfänge to Tiet vun dat Rokoko bit hüüd.
Siet 1997 wurrn ok Theaterupführen dör de Slotttheater GmbH upführt. Wiederhen gifft dat siet Johren en traditschonellen Wiehnachtsmarkt vun de Kunsthandwarker un en Ostereiermarkt in dat Slott in Fürstenberg.
Wegen umfangriek Moderniseerensarbeiten weer dat Slott van‘ Oktober 2015 bit März 2017 dicht maakt. De Utstellung wurr in disse Tiet in de Old Remise wiest. De Saneerens- un Umbauarbeiten hemm 8. Mill. EURO köst, de vun de Porzellanmanufaktur Fürstenberg un tallriek Sponsoren upbrocht wurrn. An‘ 5. März 2017 wurr dat nee Museum in dat Slott Fürstenberg weer apen maakt. Wiest wurrn neben de neu gestalt Düerutstellen jetzt ok en Besökerwerkstäe, as ok themenbetrucken Sonnerutstellungen.[2]
In dat ehmalgen Kavalierhuus vun dat Slott is dat Slottcafé & Restaurant Lottine inricht. Hier wurrn all Spiesen sülvstverständlich up Fürstenberger Porzellan serveert.[3]
Literatur
ännern- Ernst Andreas Friedrich: Das Schloß Fürstenberg, S. 165–167, in: Wenn Steine reden könnten. Band IV, Landbuch-Verlag, Hannover 1998, ISBN 3-7842-0558-5
- Thomas Krueger: Fürstenberg - Porzellan aus Niedersachsen in Niedersachsenbuch 2004, Seite 109 f., Niedersächsisches Ministerium für Inneres und Sport, Vertrieb CW Niemeyer Druck, Hameln, ISSN 0946-5588'
- Beatrix Freifrau von Wolff-Metternich: Die Porzellanmanufaktur Fürstenberg: eine Kulturgeschichte im Spiegel des Fürstenberger Porzellans, 2004, ISBN 3-7913-2921-9
- Michael Unterberg: Frühes Fürstenberger Porzellan - Die Sammlung Reichmann im Museum für Kunst und Gewerbe, Museumspublikation, Hamburg 2010, ISBN 978-3-923859-76-4.
- Thomas Engelke: "Zeitzeichen – Porzellan der Manufaktur Fürstenberg im 20. Jahrhundert", creo-media, 2011, ISBN 978-3-9814883-0-2.
Weblenken
ännern
Enkeld Nahwiesen
ännern- ↑ Paul Wigand: Der Corveysche Güterbesitz, 1831, S. 163
- ↑ http://www.fuerstenberg-schloss.com/museum/dauerausstellung
- ↑ http://www.fuerstenberg-schloss.com/schlossensemble/cafe-restaurant
Koordinaten: 51° 43′ 56,1″ N, 9° 23′ 56,7″ O