Slott Gödens

Dat Slott Gödens is en Waterslott in de Gemeen Saan in' Landkreis Freesland in Neddersassen. Dat Slott weer de Stammsitt vun de Herrschapen vun Gödens.

Slott Gödens

Geschichte

Van 1514 bit 1517 wurr de Vörgängerbau vun dat hüüdig Slott upricht un 1653 um en Door to'n Slottpark ergänzt. Dat wiest dat Wappen vun dat Huus Gödens, de 1646 vun den Kaiser den arvlichen Freeherrenstand verleeht kreeg. 1669 is en Grootdeel vun dissen Vörgängerbau afbrennt. Harro Burchard von Frydag leet 1671 dat Waterslott in sien jetzig Form errichten. 1746 keem Gödens dör Heiraat in den Besitt vun de Familie von Wedel. De Butenbau präsenteert sück in' Stil vun de hollandsch Renaissance. Besünners antokieken is de deckenhooch malerisch Utsmücken vun den Prunksaal mit Dorstellungen ut de greeksch Mythologie. De bit hüüd bewahnt Borg wurrd vun de Stiftung Kulturerbe Schloss Gödens verwalt un is blots bi Veranstaltungen, insbesünnere wiels de Landpartie an dat Pingstweekenenn un den Wiehnachtsmark an dat eerst Adventsweekenenn, deelwies to besichtigen. De Slottpark is vun Maandaag bit Freedag in de Zeit van 8:00 bit 17:30 Uhr togänglich. Dat Ingangsdoor to’n Slottpark wiest eenig Inschriften ut dat Johr 1653 up. Dat Slott steiht ünner Denkmalschuul.

Landpartie in’ Park vun Slott Gödens

Lien Frydag to Gödens

De Familie Frydag to Gödens entstammt de mittleren Lien vun de Familie Frydag ut dat Vest Riäkelhusen. De eerste Vertreeder vun de Lien weer Franz Frydag (1555–1606), de Almuth von Olderbockum, Dochter vun Almuth Boing un Arvnehmerin vun Gödens heiraaten dee. He harr mehrere Söhns:

1. Harro (1578–1637), Herr von Gödens, Drost von Leerort ⚭ Catharina von Innhausen und Kniphausen
   1. Franz Ico von Frydag (1606–1652), Herr von Gödens, Drost von Leerort
      1. Haro Burchhard (1640–1692), Bauherr vun Slott Gödens, Geheimraat, Riekshoffraat
      2. Franz Heinrich (1643–1693), Gesandter in Berlin
         1. Burchhard Philipp (1685–1746), Riekshoffraat, Kaiserlich Gesandter in Sweden un Däänmark -> Verarvt Gödens an Anton Franz von Wedel (1707–1788)
         2. Franz Heinrich (†1730) ⚭ Sophia Elisabeth von Aldenburg, Gräfin von Aldenburg (1661–1730)
            1. Marie Juliane von Frydag, Gräfin von Frydag zu Gödens Arvnehmerin von Gödens (1684–1727) ⚭ Erhard Friedrich von Wedel-Jarlsberg, Freiherr von Wedel Graf von Jarlsberg (1668–1740)
      3. Carl Philipp (1644–1698), Groot-Prior vun den Malteser-Ordens in Ungarn
      4. Ico Wilhelm (1649–1719), Jesuit in Maastricht
   2. Herbert (1616–1642), Drost vun Emden
   3. Johann Wilhelm (1624–1674), Drost vun Emden
      1. Haro Heinrich (1651–1705), Drost in Auerk, Hoffrichter ⚭ Esther Charlotte von Münchingen
         1. Haro Burchhard (1677–1757), Drost in Emden
         2. Franz Heinrich (1686–1761), Drost in Leerort ⚭ Sophie Elisabeth von Auer († 9. April 1752) a.d.H. Tirenberg
            1. Georg Wilhelm von Freitag (1712–1782) ⚭ Anna Elisabeth Wilhelmine von Münchhausen (* 12 Mai 1722; † 20. September 1789)
               1. Sophie Charlotte Wilhelmine Elisabeth (1745–1801) ⚭ Karl Wilhelm Ludwig von Cornberg (* 30 Januar 1739; † 16. Februar 1816)
            2. Christian August (* 1716), Drost vun Auerk
               1. Haro Christian Wilhelm († 10. Juni 1804), Drost vun Auerk, preuß. Oberst

1. Melchior Ernst (1579–1641), Herr von Uitesterwehr (bi Upleward) ⚭ Beate Sophie von Boineburg a.d.H. Honstein
   1. -> Urenkelin Hendrina (†1748) verarvt Uitesterwehr ⚭ Nikolaus Moritz Frese to Hinte (1671–1717), Administrator vun Oostfreesland

Literatur

• Johann Samuel Ersch, Allgemeine Encyclopädie der Wissenschaften und Künste, S.476ff, Digitalisat
• Hironimus Grestius's Reimchronik von Harlingerland, S.40, Digitalisat

Weblenken

Schloss Gödens. Mehr Biller, Videos oder Audiodateien to’t Thema gifft dat bi Wikimedia Commons.

• Haro van Freitag Heer van Gödens
• Franz Heinrich von Freitag