Slott Tullgarn

Dat Slott Tullgarn is en königlich Slott in Sweden un liggt in de Gemeend Södertälje dicht bi den Oort Trosa.

Slott Tullgarn

Dat oorsprüngliche Slott wurr to dat Enn‘ van dat 16. Johrhunnert ünner Graaf Karl Sture upricht. Midden van dat 17. Johrhunnert bestunn dat ut en grötter Hööfthuus mit dree Stockwarken as ok twee runne un een quadratischen Toorn. An de Siet van dat Hööfthuus legen twee Flögelbauten, an de wedderum en wieder Huus ansluuten dee, so dat en Hoff entstunn.

De eerste hüüd bekannte Besitter weer de Ridder un Rieksraat Tord Röriksson Bonde. Sien hüüdig Utsehn kreeg dat Slott bi en umfaaten Restaureeren tüschen 1719 un 1727 in‘ Updrag van den Grafen Magnus Julius De la Gardie. Architekt weer Joseph Gabriel Destain. Dat Slott besteiht nu ut en 43 Meter lang un 15 Meter breedt Hööftgebäude mit twee 8 Meter breeedt Flögels, de en apen Hoff to dat Water van en Oostseebucht billen.

Markant is hüüd de klassizistische in Richtung, de in dat laat 18. Johrhunnert in dat Slott keem, as Prinz Fredrik Adolf (de jüngste Bröer van Gustav III.) över dat Slott verfügen dee. König Gustav V. un sien Fru Viktoria von Baden hemm Tullgarn as Sömmerresidenz bruukt..

Hüüd is dat Slott för de Apenlichkeit togänglich un wurrd van de staatlich Bauverwaltung ünnerhollen. Siet 1935 steiht dat as Byggnadsminne ünner staatlich Schuul. Dat gifft verscheeden gastronomisch Inrichtungen, führt Besichtigungen, as ok en Souvenirshop un en Orangerie.

Biller

• 
  Laag
• 
  Parkfront
• 
  Seesiet
• 
  Blick
• 
  Hoff
• 
  Park
• 
  Blau Kabinett
• 
  Slaapkamer

Wiedere Königsslötter

Slott Tullgarn is bit hüüd een van de negen offizeillen Königshüüs van Sweden, de all tominst deelwies to besichtigen sünd: Dat Stockholmer Slott (Amtssitt van den König), Slott Drottningholm, Slott Gripsholm, Slott Rosendal, Slott Rosersberg, Slott Strömsholm, Slott Ulriksdal, de Hagapark (Slott Haga is Wahnsitt van den Kroonprinzessin) as ok de Park van de königlich Sömmervilla Solliden, de dicht bi van dat blots noch as Ruine erhollen Slott Borgholm upricht wurr.

Weblinks

Schloss Tullgarn. Mehr Biller, Videos oder Audiodateien to’t Thema gifft dat bi Wikimedia Commons.

• Slott Tullgarn (sweedsch)
• Indrag in dat bebyggelseregistret van dat Riksantikvarieämbetet (sweedsch)