Sluderkram in’t Treppenhus

Sluderkram in’t Treppenhus (ok Sluderee op de Trepp[1]) is en plattdüütsch Theaterstück in veer Akten för acht Personen (dree Froonslüüd, fief Mannslüüd), dat Jens Exler schreven hett. Toeerst opföhrt worrn is dat Stück an’n 24. April 1960 an de Nedderdüütsche Bühn Flensborg.

Dat Stück is bi dat Ohnsorg-Theater 1966 ok för’t Feernsehn opnahmen worrn. Later is dat Stück ok in’t Kölsche, Bayersche, Sächsische, Swääbsche, Fränksche, Baadsche, Hessische un Hoochdüütsche översett worrn. En mönsterlandsche Version ünner’n Naam Quaterie int Treppenhus hett Hermann Homann schreven.

De Komödie hannelt vun en Miethuus, in dat de neeschierige Meta Boldt jümmer in’t Treppenhuus rümlungert, de Lüüd beluert un Sluderkraam över de Navers verbreden deit. So kriegt se dat ok spitz, dat Hanne Knoop in’n tweten Stock en Kamer an de junge Fro Heike Seefeldt ünnervermeedt hett. Dat is verbaden un dat deit Meta glieks den Huuswirt Berhard Tramsen vertellen. Toeerst schafft se dat ok, de Bewahners vun dat Huus dorgegen optobringen. Doch de Mannslüüd slaat sik bald op de Sied vun de smucke Deern. De lehrt denn ok Dieter Brummer kennen, de bi sien Unkel Ewald Brummer intagen is, wat ok gegen de Mietregeln is. To’n Sluss kaamt Dieter un Heike tohoop un Meta kriggt ehr Fett weg.

Borns ännern

  1. http://www.ins-db.de/autor-werke.php?ID=544&START=1&ORD=JAHR