Spanish Creek (Belize)

Spanish Creek
Laag Belize
Spanish Creek
Laag vun Spanish Creek in Belize
Stroomsystem Belize River
Läng 35 km
Born in’n Distrikt Orange Walk
Münn in de Northern Lagoon
Koordinaten Münn:
Koordinaten:17° 43′ N, 88° 32′ W
17° 43′ N, 88° 32′ W

De Spanish Creek is en groff 35 Kilometer langen Stroom in Belize, de in de Northern Lagoon münnt, de ehr Water an’n Black Creek afgifft.

De Stroom hett sien Born in’n Distrikt Orange Walk un nich wied af von de Grenz na’n Distrikt Cayo (Waterscheed to’n Labouring Creek). Von dor flütt he na Noordoosten. De eersten teihn Kilometer sünd Oorwoold, denn kummt de Oort Rancho Dolores (Distrikt Belize) op dat linke Över. In düt Rebeed flütt de Stroom in en Afstand von fiev Kilometer groff parallel to’n Belize River. De nächste Oort is Lemonal. In Rancho Dolores un Lemonal gifft dat Brüggen över’n Stroom. Achter Lemonal kummt de Stroom denn in dat Fuchtland-Rebeed von dat Crooked Tree Wildlife Sanctuary. De Stroom, de vörher so üm un bi 50 Meter breed weer, warrt hier wat breder (üm un bi 150 Meter).

De Spanish Creek münnt in de Northern Lagoon, is aver ok mit de Western Lagoon verbunnen. De beiden Lagunen sünd ok ünnerenanner verbunnen un dat Water flütt över’n Black Creek af. De Black Creek wedder münnt in’n Belize River un de in de Karibische See.