Speyburn
Speyburn is en Whisky-Brenneree in Rothes, Morayshire, Schottland. De Destille höört to de Inverhouse Distillers Ltd. De Hüüs vun de Anlaag sünd deelwies in de schottischen Denkmollisten in de Kategorie B inordent[1].
| Speyburn | |
|---|---|
 Brenneree Speyburn (Foto: Ann Harrison) | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Inver House Distillers |
| Grünnt | 1897 |
| Grünner | John & Edward Hopkins |
| Architekt | Charles Chree Doig |
| Waterborn | Granty Burn |
| Washstill(s) | 1 × 17.297 l |
| Spiritstill(s) | 1 × 13.160 l |
| Produkschoonsvolumen | 2.000.000 l |
| Websteed | www.speyburn.com |
Historie ännern
Grünnt weer de Destille Speyburn in’t Johr 1897 vun John un Edward Hopkins. John Hopkins weer to de Tiet ok in Besitt vun de Brenneree Tobermory. He bestünn dorop, dat de Produkschoon noch in’t Johr 1897 anfangen schüll. Dat weer neemlich dat sösstigste Jubiläumsjohr vun’t Krönen vun de Queen Victoria. Arbeiters in dicke Kledaasch hebbt kort na Wiehnachten 1897 in de Brenneree, de noch keen Finstern oder Dören harr, dat eerste Fatt Whisky brennt.
De Brenneree Speyburn weer in de 1930er und 1940er Johren för korte Tiet dicht maakt un hett in de 1960er Johren to’n eersten mol Acht op sik togen, as dor de eerste Trummelmolteree (Drum Malting) in Bedrief nahmen worrn is. Speyburn weer to de Tiet een vun de modernsten Destillen op de helen Welt. Siet 1991 höört se to den Kunzern Inverhouse Distillers, wat vör de lütte Brenneree en Oort vun Levensversekerung dorstellt. Se liggt in en lütt Daal in en Woold in de Neeg vun den Stroom Spey, de sien Naam nich blots för de Brenneree man för dat hele Whiskyrebeet geven hett.
Produkschoon ännern
De Destille Speyburn höört to de lüttsten Brennereen vun Schottland. Se tellt to dat Whiskyrebeet Speyside un nimmt ehr Water för de Produkschoon ut den Granty Burn. Brennt warrt in de Destille in een wash still un een spirit still mit en Kapazität vun 2.000.000 l in’t Johr.
Kiek ok ännern
Borns ännern
Weblenken ännern
Koordinaten:57° 32′ N, 3° 13′ W