St. Magdalene
| St. Magdalene | |
|---|---|
| Land | Schottland |
| Region | Lowlands |
| Tyyp | Malt |
| Status | deelwies afreten (stillleggt 1983) |
| Besitter | Scottish Malt Distillers (SMD) |
| Grünnt | 1765 |
| Grünner | Sebastian Henderson |
| Waterborn | Loch Lomond |
| Washstill(s) | 2 |
| Spiritstill(s) | 2 |
St. Magdalene oder Linlithgow weer en Whisky-Brenneree in Linlithgow, West Lothian, Schottland. De ehmoligen Brennereebowarken sünd in de schottischen Denkmollisten in de Kategorie C inordent.[1]
Historie ännern
De Brenneree is 1765 vun Sebastian Henderson ünner den Naam Linlithgow grünnt worrn. 1797 weer se vun Adam Dawson övernahmen, de 1795 ok al de Bonnytown-Destille in den glieken Oort apen maakt harr. De beiden Brennereen sünd 1810 tosamenleggt worrn. In’t Johr 1912 is de Anlaag vun de Distillers Company Limited (DCL) opköfft worrn. St. Magdalene weer 1914 blangen Rosebank, Clydesdale, Glenkinchie un The Grange een vun de fief Destillen, ut de de Scottish Malt Distillers (SMD) grünnt weern. Wiel den Tweeten Weltkrieg weer en Tiet lang nich produzeert, 1983 is se stillleggt worrn. Delen vun de Brenneree weern afreten, in de anneren Bowarken sünd vundaag Wahnungen ünnerbröcht.
Produkschoon ännern
St. Magdalene höör to dat schottische Whiskyrebeet Lowlands. Dat Water för de Produkschoon weer ut den Loch Lomond nahmen. Dat Molt, wat för den Whisky bruukt weer, harr en hogen Andeel vun Törf un weer eerst in de egene Molteree produzeert. As de 1968 dicht maakt worrn is, keem dat Molt ut de Brenneree Glenesk. Brennt weer in twee wash stills un twee spirit stills.
Kiek ok ännern
Borns ännern
Koordinaten:55° 59′ N, 3° 36′ W