Staatsmann

Mit den Begreep Staatsmann is en Person vun den Staat meent, en Politiker in hoge Ämter vun den Staat, normolerwiese de Baas vun en Staat oder Regeerung, wenn he na de Meenung vun de Lüde wat tostanne brocht hett, wat over de normole Politik vun den Alldag rutgeiht. Vor vörmolige Basen vun Staat un Regeerung hett sik in de lesten Johren de engelsche Beteeknung elder statesman („öllern Staatsmann“) inborgert.

He warrt as Staatsmann ankeken: Helmut Schmidt.

Staatsmann is in't Engelsche un noch mehr in dat Düütsche en Beteeknung, de Respekt utdrücken deit vunwegen dat grote Könen vun den Politiker. Dat heet nich, datt sik de Lüde dor nich in'e Plünnen over hebben könnt, wer düsse Beteeknung verdenen deit un wer nich. Basen vun autoritäre oder totalitäre Regimes, as Francisco Franco, Augusto Pinochet, Adolf Hitler oder Josef Stalin weert normolerweise nich mit de positive Beteeknung Staatsmann ehrt.

Vunwegen, datt dat fröher nich veel Froenslüde in hoge Ämter vun den Staat geven hett, geev dat as wiefelke Form (up Düütsch) den Begreep Staatsmännin. Midderwielen warrt ok Staatsfro bruukt.

Weblenken

Op Wikiquote gifft dat Zitaten to, över oder vun „Staatsmann“ (hoochdüütsch).

 Wiktionary: Staatsmann – Bedüdensverklaren, Woortherkamen, Synonymen, Översetten

• WorldStatesmen.org – „A World of Knowledge at Your Fingertips“ (engl.) – en List mit (meist) all grote Basen in de Politik in de Historie