Stefanie Vögele
Stefanie Vögele (* 10. März 1990 in Leuggern) is en Swiezer Tennisspelerin.
Karriere
ännernStefanie Vögele, de all mit veer Johr mit dat Tennisspelen anfung, hett 2013 hör bither best Saisonleistung afleefert, as se bi de French Open in Paris de darte Runn recken dee.
Up de WTA Tour stunn se 2009 in Portoroz in't Halffinale (Nedderlaag gegen Sara Errani), in Birmingham un Tashkent jeweils in't Veertelfinale (gegen Li Na bzw. Akgul Amanmuradova). Bi de ITF-Turnieren in Bukarest (Siegerin: Andrea Petković) un Nottingham (Siegerin: Maria Elena Camerin) weer se Finalistin, wiels se in Cueno (gegen Varvara Lepchenko) un in Dubai (gegen Sandra Záhlavová) jeweils in't Halbfinale utscheeden dee. An't Johresenn' leeg se up Platz 75 vun de WTA-Weltranglist.
2010 reck se bi de Australian Open in Melbourne de tweet Runn. In Portoroz reck se dat Veertelfinale, dat se gegen de Lokalmatadorin Polona Hercog verlor.
2011 stunn se bi ITF-Turnieren eenmal in't Finale (Dreesatznedderlaag gegen Marta Domachowska ut Polen) un tweemal in't Halffinale. Up de Tour reck se blots in Budapest dat Achtelfinale (gegen Sara Errani). Bi de Grand-Slam-Turnieren keem se jeweils nich över de Qualifikatschoon herut.
2012 reck se bi dat Sandplatzturnier in Charleston (USA) eenmal mehr dat Achtelfinale. In Paris un in Wimbledon keem se aber weer nich över de Qualifikatschoon herut.
Bi dat US-Hartplatzturnier 2013 von Charleston sörg Vögele för Upsehn, as se mit mit Siegen över Julia Görges un Caroline Wozniacki in't Halffinale keem un sück dor eerst nah dree Satzen Jelena Jankovic slahn geven muss.
Hör best Platzeeren in't Eenzel in de Tennis-Weltranglist weer Rang 42. De reck se an' 11. November 2013.
