Streekpunkt

Satzteken
Fraagteken ?
Utroopteken !
Streekpunkt ;
Rekenteken
Gliekheitsteken =

De Streekpunkt (ok Semikolon, Mehrtall: Semikolons) is en Satzteken, dat twee Sätz oder Woortgruppen vun lieken Rang verbinnt. Dat trennt stärker as dat Komma, aber nich so stark as de Punkt. Na en Streekpunkt warrt lütt wiederschreven.

Bispelen:

• He keem na Huus; sien Fru weer noch nich dor.
• De Tog höllt in München, 09:10; Frankfurt, 13:50; Hamborg, 19:20.

De Streekpunkt kann ok Listen in Ünnergruppen opdelen:

• Dat geev Äppel, Bananen, Kassbeern; Koken un Torten to eten.

In de greeksche Spraak warrt de Streekpunkt as Fraagteken bruukt.

In velen Programmeerspraken steiht de Streekpunkt an't Enn vun en Anwiesen, dormit de Reekner süht, wo de toenn is. Bispill (in C) :

int a=5; int b=6; int c=a+b;