Suharto
Haji Mohamed Suharto (nah de olde Orthographie Soeharto; * 8. Juni 1921 in Kemusuk bi Argamulya up Java, Indonesien; † 27. Januar 2008 in Jakarta) weer en indoneesch Politiker un Kostrad-General, de vun 1967 bit 1998 regeerend Präsident vun sien Land weer.
Suharto weer General un stunn an de Spitz vun en Militärputsch in dat Johr 1965, mit de se domols Achmed Sukarno stört hebbt. Siet 1966 Baas vun de Regeeren, weer Suharto af 1967 de amteerend Staatschef. An’ 27. März 1968 wurr he ok ofiziell Präsident. Dit Amt hett he bit 1998 utöövt. Üm de Afkehr vun de linksnatschonalistische Politik vun sien Vörgänger to ünnerstrieken, proklameer de nee Machthaber den Anfang vun en "Nee Ordnung".
To sien Amtstied wies sück Suharto internatschonal apen un hett kein Versöök makt, sien Land to isoleeren. He hett eng mit den Westen un insbsünnere mit de USA tosommenarbeidt. 1970 un 1991 hett he ok Düütschland besöcht.
In de Binnenpolitik wies Suharto en anner Gesicht. Hart hett he jeglich Oppositschoon utschalt. Nahdem he an de Macht keem sünd woll tüschen 400.000 bit 1 Million Kommunisten un regeerenskritisch Studenten umbrocht wurrn, so hett man schätzt. To glieker Tiet vun ok de Völkermord an de Chinesen in Indonesien statt.[1]
In Suharto sien Herrschapstiet fallen dorto de völkerrechtswidrig Besett von Oosttimor 1975. Bi dat denn folgend Massaker keemen mehr as een Drittel vun de Bevölkerung um. Ok in de Provinz West-Neeguinea, de in „Irian Jaya“ umnömmt wurr, hett he wüüt, as he de Papua dor wegdreben hett. Dorför hett he denn moosleemisch Indonesier dorr in sett, de dat Land wertschaplich utbeuten kunnen.
Suharto hett sück mehrfach mit islamisch Gruppen tosommen dahn, aber denn ok weer fallen laten. In sien Amtstiet mussen all politisch Parteien dat Prinzip vun de Pancasila anerkennen, dat dee Rechte vun anner religionen neben den Islam sekerstellen dee. Dat weer aber woll mehr up’t Papier, wiel dat immer weer swoor Övergrepen tegen religiöse Minnerheeten geev.
Nah lang anhollen Studentenprotesten muss de siet över 30 Johr herrschend Suharto an’ 21. Mai 1998 torüchtreden. Toför weer dat noch mal to en Progrom an de chinesisch Minnerheit kommen, dat vun sien Schwegersöhn Prabowo Subianto organiseert wurrn sall hemm.[2] Nee Präsident wurr denn de vun hüm as Nahfolger utsöcht Bacharuddin Jusuf Habibie.
Nah dat Enn’n vun sien Regime wurr he wegen Korruptschon vör Gericht stellt. Se hebbt hüm vörhollen, dat he mindst 571 Millionen US-Dollar an apenlich gelder veruntruet hett. Dat Verfohren hebbt se denn wegen sien Gesundheit instellt.
Suhartos Dochter Siti Hediati Harijadi is mit Prabowo Subianto verheiraadt.
An’ 27. Januar 2008 is Suharto nah en lang Krankheit in en Krankenhaus in de Hööftstadt Jakarta storven.[3] An de folgend Dag wurr he in Surakarta mit militärisch Ehren bestattet.[4]
Literatur ännern
- Soeharto: Gedanken, Worte und Taten. Eine Autobiograhie aufgrund von Schilderungen gegenüber G. Dwipayana und Ramadhan K.H., deutsche Übersetzung: Thomas Zimmer, herausgegeben von Berthold Damshäuser, Druck und Verlag: PT. Citra Lamtoro Gung Persada, Jakarta 1994, ISBN 979-8085-01-9
Enkeld Nahwiesen ännern
- ↑ Jochen Hippler, Nasr Hamid Abu Zaid, Amr Hamzawy: Krieg, Repression, Terrorismus. Politische Gewalt und Zivilisation in westlichen und muslimischen Gesellschaften. ifa, Stuttgart 2006, S. 55ff.
- ↑ Vgl. Gunnar Heinsohn: Lexikon der Völkermorde. Reinbek 1998, S. 105.
- ↑ Diktator Suharto ist tot, Spiegel Online, 27. Januar 2008
- ↑ Führende Politiker würdigen Indonesiens Ex-Diktator Suharto, wsws.org, 31. Januar 2008