Sven Fischer
Sven Fischer (* 16. April 1971 in Schmalkalden) is en ehmalger düütsch Biathlet, de to de spoodriekst düütsch Biathleten vun de jüngere Vergangenheit tellt.
Biathlonkarriere ännern
Olympisch Spelen ännern
Fischer wunn all bi sien eerst Olympisch Spilen (1994 in Lillehammer) sien eerst olympisch Medaillen. Ok bi de folgen Olympisch Winterspelen weer he spoodriek un wurr insgesamt veerfack Olympiasieger (dorvan dreemal mit düütsch Staffeln), 2006 kunn he mit den Sieg in den 10 km Sprint sien eersten un eenzigen Eenzeltitel bi de Olympisch Spelen vör Halvard Hanevold, Frode Andresen un Vincent Defrasne halen.
Weltmeesterschapen ännern
Bi Weltmeesterschapen hett Sven Fischer insgesamt 20 Medaillen haalt. Fiev Weltmeestertitel wunn he mit düütsch Staffeln oder Mannschapen, bi de Biathlon-Weltmeesterschapen 1999 kunn he mit Siegen in' Eenzel (vör Ricco Groß un Wadsim Saschuryn) un Massenstart (vör Wladimir Petrowitsch Dratschow un Ole Einar Bjørndalen) buterdem twee Eenzeltitel up sien Naam schrieven.
Weltcup ännern
Sven Fischer weer in de Johren 1997 un 1999 twee Mal Sieger vun den Gesamtweltcup. In de Saison 2004/05 muss er, dör en Krankheit nah dat letzt Saisonrennen in Chanty-Mansijsk uter Gefecht sett, den Gesamtweltcup kamplos an Ole Einar Bjørndalen afgeven. He wunn aber de Verfolgungs-Gesamtwertung (vör Ole Einar Bjørndalen un Raphaël Poirée). Ok den Sprint-Weltcup kunn he veermal winnen, dorto keemen noch twee Siege in de Massenstart-Gesamtwertung.
Karriereenn ännern
Sven Fischer hett an’n 7. Mai 2007 sien Rückträe vun den aktiven Biathlonsport verklort un bekannt geven, dat he as sportlicher Berader un Co-Kommentator bi dat ZDF in’n Beriek vun den Biathlonsport arbeiten würr.
En Markenteeken vun Sven Fischer weer sien Utrüstung. He leepgrundsätzlich ahn Handschen, hett immer sien olt Stocksystem insett un hett as eenzig Biathlet mit en Suhler Unterlader schaaten.
Privatleven ännern
Sven Fischer hett an’n 21. September 2007 sien langjohrig Levensgefährtin Doreen Ehrle heiraadt,[1] mit de he en Dochter un en Söhn hett.
Fischer snackt ahn Probleme norweegsch, wat ut en fröhere Betrecken mit de ehhmalg norweegsch Biathletin Annette Sikveland herkummt.
