Hauptmenü öffnen
Swammfaden
Swammfaden
Zellen 1- Zellwand 2- Septum 3- Mitochondrion 4- Vacuole 5- Ergosterolkristal 6- Ribosom 7- Zellkarn 8- endoplasmaatsch Retikulum 9- Lütten Fettlief 10- Plasmamembran 11- Wassspitz un Vesikels 12- Golgi-Apparaat

Swammfaden oder Hyphe is de Naam vun de langen Fadens vun de Swämme, de mit ehre Twiege dat fiene Geweev vun dat Myzel billen doot. Swammfadens sünd ok de Grundlaag vun wat vigelienschere Strukturen, as Poggenstöhle un annere Aarden vun Sporendrägers.

En Swammfaden besteiht ut en rohrförmige Wand, meist ut Chitin. Se stöhnt un schuult de Zellen, de dor in liggen doot. Bi de meisten Swämme weert de Zellen in de Swammfadens ut'nanner hollen dör interne Wänn, de Septum nömmt weert.

Bi en Reeg vun Swämme, de as Parasiten leven doot, is en Deel vun de Swammfadens ummuddelt in Suugorgane. Se weert Haustorien nömmt. Düsse Organe weert bruukt, um in den Weert in to dringen un em Nehrstoffe weg to nehmen.

So en Aart afännerte Swammfadens gifft dat ok bi symbiotische Swämme. Hier dringt de ummuddelten Swammfadens in den Wuddelapperaat vun Planten in un billt en Schimmelwuddel (Mycorrhiza). Dor hölpt se de Plant mit bi dat Upnehmen vun Nehrstoffe un Water, as bi de Bickbeeren (Vaccinium myrtillus). Bovendem kann de Plant nich so slank krank weern.

WeblenkenÄnnern

  Swammfadens. Mehr Biller, Videos oder Audiodateien to’t Thema gifft dat bi Wikimedia Commons.