Swetlana Irekowna Ischmuratowa

Swetlana Irekowna Ischmuratowa (russisch:Светлана Ирековна Ишмуратова}}; * 20. April 1972 in Slatoust) is en ehmalge russische Biathletin.

Swetlana Ischmuratowa bi Olympia 2006

1996 weer Swetlana Ischmuratowa dat eerste Johr in' Biathlon-Weltcup aktiv, hör eerst groot Erfolg weer de Gewinn vun den Weltmeestertitel mit de russisch Mannschap 1998. All tosommen hett se bi Weltmeesterschapen fievmal Gold mit russisch Staffeln oder Mannschapen wunnen, dorto kommt noch twee Sülver- un een Bronzemedaille.

2006 wunn se, nahdem se all twalf Mal Tweet ween weer un all as "Ewige Tweete" gull, ehr eersten Weltcup.

Bi de Olympisch Winterspelen 2002 in Salt Lake City hett Swetlana Ischmuratowa Bronze mit de russisch Staffel wunnen. 2006 in Turin gelung hör eerst groot Eenzelerfolg, as se dat Eenzelrennen över 15 km vör Martina Glagow un Albina Achatowa up hör Naam schrieven kunn. Mit de Goldmedaille in de Staffel wurr se tweefack Olympiasiegerin.

Nah de Olympiasaison 2006 hett se en Wettkamppaus inleggt un an' 10. April 2007 en Söhn (Mikhail) to Welt brocht. Intüschen hett se hör Loopbahn afslooten un arbeit as Afordnete in dat Sportkomitee vun dat russisch Parlament.

Erfolge

• Olympisch Winterspelen:
  • 2002: 1x Bronze (Staffel)
  • 2006: 2x Gold (Eenzel, Staffel)

• Weltmeesterschapen:
  • 1998: 1x Gold (Mannschap)
  • 2001: 1x Gold (Staffel)
  • 2003: 1x Gold (Staffel), 1x Sülver (Massenstart), 1x Bronze (Verfolgung)
  • 2004: 1x Sülver (Staffel)
  • 2005: 2x Gold (Staffel, Mixed-Staffel)

• Gesamtweltcup:
  • 1x Platz 6 (1999/00)

• Disziplinen-Weltcup:
  • 1x Siegerin in’ Eenzel-Weltcup (2005/06)

• Weltcupsiege:
  • 2 (Stand: 13. Februar 2006)

Weblenken

• Swetlana Ischmuratowa in de Datenbank vun de IBU (engelsch)