Tönnies Fonne

Tönnies Fonne (* na 1586 wohrschienlich in Lübeck; † na 1627) hett 1607 as Koopmannsgesell an’n Lübecker Hanseplatz in Pleskau en plattdüütsch Handbook to de Russ’sche Spraak schreven.

Deckblatt des Handbuches mit dem Eigentümervermerk: „Tonnies Fonne gehordt düt Boek“

Fonne is wohrschienlich in Lübeck as Söhn vun’n Lübecker Koopmann un Nowgorodfohrer Hans Fonne († 1605) boren. Üm un bi 1607 hett he as Koopmannsgesell an’n Lübecker Hoff in Pleskau arbeidt. In de Oorkunen vun Lübeck kummt he 1617 toeerst vör, as he dat Börgerrecht kriggt. In dat sülve Johr dükert ok siene Hochtiet in de Karkenböker vun de Petrikirch op. Toletzt kummt he 1627 in de Oorkunnen vör, as he sien Öllernhuus verköfft.

Op sien Book steiht vörn Tonnies Fonne gehordt düt Boek / Anno 1607 den 1. Septemb. / zur Pleschow geschrieben op. Dit Book, dat hüüt in de Däänsche Königliche Bibliothek in Kopenhagen liggt, hett 566 Sieden un besteiht ut en Wöörbook Plattdüütsch-Russ’sch (Russ’sch so as se dat in Nowgorod snackt hebbt), denn en Sammlung vun Seggwiesen un Redensoorden, Vörlagen för Breven un för dat Snacken mit Kooplüüd.

1609 hett he dat Book Hinrich Wistinghusen schunken. Dat steiht op dat Book ok opschreven. Later stünn dat denn in de Bibliothek vun Otto Thott (1703-1785), de dat denn de Königliche Bibliothek vun Däänmark schunken hett.

Dat Book kummt ut ene Tiet, as de Hanse dat jüst wedder verlööft wedder in Pleskau un Nowgorod Hannel to drieven.

WeblenkenBearbeiten