Tütters

Tütters oder Groot Tütters (finnsch Tytärsaari, russ’sch Bolsjoj Tjoters oder ok Kolari) is en Eiland, dat to Russland höört. Tütters liggt in de finnische Bucht vun de Oostsee un is 8,3 km² groot. So wat 15 Kilometer vun Groot Tütters liggt noch en Eiland, dat Lütt Tütters heten deit.

Op Tütters leven Finnen un vun 1809 bet 1944 höör dat Eiland ok as egenstännige Gemeen binnen dat Lehn Wiborg to Finnland. Ene Holtkark is 1772 boot worrn un Tütters harr ok ene Volksschool. Leven deen de 436 (Stand 1939) Lüüd vör allen vun Fisch- un Saalhundfang. In’n Winterkrieg is Tütters denn aver an Russland kamen un Deel vun de Oblast Leningrad worrn. Denn hebbt de Düütschen in’n Verloop vun’n Tweten Weltkrieg dat Eiland innahmen un bet 1944 hollen. As de Russen wedderkemen müssen de Finnen vun dat Eiland rünner un 1948 güng Tütters offiziell an de Russen.