TSG 1899 Hoffenheim
De TSG 1899 Hoffenheim (Turn- und Sportgemeinschaft 1899 Hoffenheim e. V.) is en Sportvereen ut den 3.300 Inwahners groten Stadtdeel Hoffenheim, de to de Stadt Sinsheim tohören deit. Grünnt wurrn is he an'n 1. Juli 1899 un hett nu bi 1.300 Liddmaten. Bekannt wurrn is de Vereen besunners vunwegen siene eerste Football-Mannschop vun de Mannslüde. De is in de Saison 2007/2008 in de Football-Bundsliga upstegen. Blangen Football warrt in den Vereen noch Lichtathletik un Turnen bedreven. Vun'n 1. Januar 2005 höört de Football-Afdeelung to de nee grünnte TSG Hoffenheim Fußball-Spielvertriebs GmbH.
Achter den Vereen un allens, wat de schafft hett, stickt de SAP-Mitgrünner Dietmar Hopp mit al sien Geld. Mit siene Hölp hett de Vereen twuschen 1990 un 2008 den Upstieg ut de Kreisliga A bit in de Bundsliga schafft.[1]
De Heimspelen in de Vörrunn vun de Saison 2008/2009 weert in dat Carl-Benz-Stadion in Mannheim speelt. För de Trüggrunn schall denn al de nee Rhein-Neckar-Arena in Sinsheim fardig ween.
Funktschonären ännern
- Präsident: Peter Hofmann
- Manager: Jan Schindelmeiser
- Geschäftsföhrer: Jochen A. Rotthaus
- Direktor för Sport- un Nachwuchsförderung: Bernhard Peters
Trainerstaff in de Saison 2008/09 ännern
| Naam | Upgave |
|---|---|
| Ralf Rangnick | Cheftrainer |
| Tomislav Marić | Co-Trainer |
| Achim Sarstedt | Co-Trainer |
| Sedat Kir | Co-Trainer |
| Rainer Schrey | Athletiktrainer |
| César Thier | Doorhöder-Trainer |
| Hans-Dieter Hermann | Sportpsycholoog |
Profimannschop 2008/2009 ännern
In de Speeltiet 2008/2009 speelt de TSG 1899 mit düsse Mannschop:
Borns ännern
- ↑ Moritz Kielbassa: „Ich bin kein Abramowitsch“. Up: sueddeutsche.de, 20. Mai 2008.