Tamnavulin

Tamnavulin is en Whisky-Brenneree in Ballindalloch, Moray, Schottland.

Tamnavulin
Brenneree Tamnavulin (Foto: Stanley Howe)
Land	Schottland
Region	Speyside
Tyyp	Malt
Status	aktiv
Besitter	Emperador International Ltd.
Grünnt	1966
Grünner	Invergordon
Waterborn	ünnerirdisch Born
Washstill(s)	3 × 25.000 l
Spiritstill(s)	3 × 23.200 l
Produkschoonsvolumen	4.000.000 l

Historie

De Destille is 1966 vun Invergordon an’n Stroom Livet boet worrn. Se weer 1994 vun Whyte & Mackay övernahmen, 1995 denn aver stillleggt. In’n Mai 2000 weer de Brenneree för ruchweg söss Weken wedder in Bedrief. Whyte & Mackay – also ok Tamnavulin – weer 2005 för 595 Millionen £ vun United Spirits Limited opköfft. Dat is en Dochter vun de indischen The UB Group^[1]. Tamnavulin güng denn dat glieke Johr noch in Produkschoon. Man, in Rahmen vun de Finanzkrise 2008 weer de Produkschhon düütlich rünnerföhrt un de Brennblasen weern moderniseert. Siet 2011 löpt de Brenneree op vulle Kapazität^[2]. 2014 is Whyte & Mackay för 430 Millionen £ an Emperador International Ltd. afgeven worrn^[3].

Produkschoon

De Destille Tamnavulin höört to dat schottische Whiskyrebeet Speyside. Ehr Water betütt se ut Borns ünner de Eer. To’n Molten warrt en Kastenmolteree (Saladin box) bruukt. De Brennere hett een Meeschfatt (mash tun) vun 10,52 t un acht Gäärfatten (wash backs) ut Eddelstahl mit tosamen 552.000 l Volumen. Brennt warrt in dree wash stills to 25.000 l un dree spirit stills to 23.200 l, de mit Damp hitt maakt warrt^[4].