Tampok
| Tampok | ||
|---|---|---|
| Laag | Franzöösch-Guayana | |
| ||
| Stroomsystem | Maroni | |
| Läng | 268 km | |
| Koordinaten Münn: | Koordinaten:3° 27′ N, 53° 58′ W3° 27′ N, 53° 58′ W | |
| linke Blangenströöm | Petit Inini du Tampok, Crique Ngoulou | |
| rechte Blangenströöm | Crique Wawi, Crique Amansou, Waki | |
De Tampok is en 268 Kilometer langen Stroom in de Gemeen Maripasoula in’n Süüdwesten von Franzöösch-Guayana, de in’n Lawa münnt.
De Tampok hett sien Born an’n Foot von’n Roche Péon an de Grenz na de Gemeen Camopi. Von dor flütt de Stroom toeerst en poor Kilometer na Süüdwesten un dreiht denn na Noordwesten. Düt Rebeed is as Amazonaspark von Guayana schuult. De Stroom nimmt nu en Noordkurs un von rechts münnt de Crique Wawi in’n Tampok. Ok de Crique Amansou münnt von rechts in’n Tampok un de Stroom nimmt denn wedder en Noordwestkurs. Von links nimmt de Tampok den Petit Inini du Tampok un den Crique Ngoulou op. 30 Kilometer vör de Münn nimmt de Stroom von rechts den Waki op.
Toletzt flütt de Tampok an de Grenz na Surinam in’n Lawa. De Lawa münnt in’n Maroni un de Maroni in’n Atlantik.
De kumplette Loop von’n Tampok liggt in’n Oorwoold. De eenzigen Dörper an’n Stroom sünd Élahé (direkt an de Münn) un Kayodé. Liekers is de Stroom temlich dreckig, wat vör allen an de Goldsökers liggt, de in de Region aktiv sünd.