Tannatt William Edgeworth David

Sir Tannatt William Edgeworth David (* 28. Januar 1858 in St Fagans, Glamorganshire, Wales; † 28. August 1934 in Sydney, Australien) weer en britisch-austraalsch Geoloog, Landvermeter un Polarforscher.

Sir Tannatt William Edgeworth David

Leven un Wark

He hett de Magdalen College School, Oxford, besöcht un 1881 sien Afsluss as B.A. makt. 1882 is Tannatt William Edgeworth David nah Australien utwannert, um en Stäe as Geodät vun de Geological Survey of New South Wales antotreden; dat folg en Professur för Geologie an de Universität vun Sydney van 1891 bit 1924. Sien eegentlich Interessenrebeet weer aber de Feldforschung, so hett he sück 1897 an en Expeditschoon up dat Funafuti-Atoll bedeeligt, wo he dat Enstahn vun Korallenriff-Formatschonen in’ Pazifik ünnersöen dee.

1886 hett he de Köhlenfelder in dat Hunter Valley in New South Wales opdeckt.

Tüschen 1907 un 1909 nehm he an de Nimrod-Expeditschoon ünner Ernest Shackleton deel. Dorbi gelung dat en Grupp, to de David, Douglas Mawson, Alistair Mackay, Jameson Boyd Adams un Eric Stewart Marshall hörrn deen, 1908 de Erstbestiegen vun den Mt. Erebus, den eenzigen Vulkan in de Antarktis. 1909 harr he maatgevlichen Andeel an de Lokaliseeren vun den magnetischen Süüdpool.

Torüch in Australien, hett David över 150 Lehrböker verfaat, de bedüüdensten dorvan sünd „Geographical Notes of the British Antarctic Expedition“ (1909) un „The Geology of Australia“ (1932).

Ehrungen

David wurr 1900 as Liddmaat („Fellow“) in de Royal Society upnommen. 1910 wurr he Companion vun den Order of St Michael and St George. 1920 wurr he to’n Ridder slahn (Knight Commander vun den Order of the Bath). Vun de Royal Society of New South Wales kreeg he 1917 de Clarke-Medaille. Dorto keemen mehrere Ehrendokterwürden. 1934 as he storven weer, kreeg he vun de Commonwealth-Staaten en Staatsbegräbnis.

Privates

David weer verheiraadt un harr dree Kinner (een Söhn un twee Dochters).

Weblenken

• David, Sir Tannatt William Edgeworth (1858–1934) in de Australian Dictionary of Biography
• Indrag in dat Archiv vun de Royal Society (engelsch)