Tapto

De Utdruck Tapto kummt vun de Musiksignaals, de fröher bi dat Militär speelt worrn sünd, dat de Suldaten, de avends in’n Kroog seten, Sluss maken schöölt un na de Kasern trüchkaamt. Dat heet denn also Tap to, den Tappen vun’t Beerfatt dicht to maken. Mit de Tiet is ut dit Suldaten-to Bett-schicken to’n Deel en Ritual worrn, bi dat groot mit Musik opspeelt warrt. De Bundswehr to’n Bispeel kennt den Groten Tapto, de dat wichtigste militäärsche Zeremoniell bi de Bundswehr is.