Tarrasch-Variante

Diagramm 1: Dat Franzöösisch Tarrasch-Anspeel nah 3. Sb1-d2

De Tarrasch-Variante in de Franzöösch Verteedigung is en Anspeel in’t Schachspeel. Se is in de Anspeelsystematik vun de ECO-Codes ünner de Slööteln C03 bit C09 klassifizeert.

De Tarrasch-Variante entsteiht nah de Tüüg:

1. e2-e4 e7-e6 2. d2-d4 d7-d5 3. Sb1-d2

Siegbert Tarrasch hett den vörsichtigen Peerd-Toog 3.Sd2 tegen Franzöösch üm 1889 inföhrt. Dormit verhinnert Witt en Fesselung as in de Nimzowitsch/Winawer-Variante un de MacCutcheon-Variante, holt dat Zentrum flexibel un is rüst, den thematischen Hebel c7-c5 mit c2-c3 to begegnen, wat den Buer d4 stött. Betallen moot Witt mit minneseert Infloot up dat Zentrum. Interessanterwies hull de "Praeceptor Germaniae" bald nich mehr völ vun sien eegen Variante, wiels Swaart nah 3. ... c7-c5 4. e4xd5 e6xd5 licht to en Isolani kommen deiht. Un den Isolani beurdeel Tarrasch as good för Swaart. 4. ..Dd8xd5 sörgt aber dorför, dat dat nich passeert.

De anner Hööftantwort 3. ... Sg8-f6 will de Buernkett dör Provokatschoon vun 4. e4-e5 herbiföhren, um se nah Sf6-d7 5. Lf1-d3 c7-c5 6. c2-c3 Sb8-c6 7. Sg1-e2 mit c5xd4 8. c3xd4 f7-f6 9. e5xf6 Sd7xf6 10. Sd2-f3 Lf8-d6 to bekämpfen.

Uprechthollen vun sien Zentrum kann Witt mit 5. f2-f4 (anstatt 5.Ld3) mit der Folge 5. ...c7-c5 6. c2-c3 Sb8-c6 7. Sd2-f3 Dd8-b6 8. g2-g3 c5xd4 9.c3xd4 Lf8-b4+ 10. Ke1-f2