Tatjana Iwanowna Totmjanina

Tatjana Iwanowna Totmjanina (russisch:Татьяна Ивановна Тотьмянина; * 2. November 1981 in Perm) is en ehmalge russisch Ieskunstlöperin, de in‘n Paarloop antreeden is.

Karriere ännern

De 1,60 m groot Totmjanina fung mit veer Johr mit dat Iesloopen an. Mit 14 Johr wurr se nah Sankt Petersburg inladen, wo se 1995 mit Maxim Marinin loopen dee, nahdem se faststellt harr, dat se in’t Eenzel nicht goot noog weer. Hör Vereen wurr denn de Jubilejny Sportklub.

1999 sünd de beid eerstmals bi Europa- un Weltmeesterschapen antreeden. Twee Johr later wunnen se de Sülvermedaille bi de Europameesterschap 2001 in Bratislava achter hör Landslüüd Jelena Bereschnaja un Anton Sicharulidse. Af dat Johr sünd se ok nah Chicago trucken, um bi Oleg Wassiljew, den Olympiasieger van 1984 to traineeren.

2002 wurrn Totmjanina un Marinin Europameester un bi de Weltmeesterschapen in Nagano wurrn se Viezweltmeester achter dat chineesch Paar Shen Xue un Zhao Hongbo. Bi de Olympisch Winterspelen in dat glieker Johr keemen se up den 4. Platz. Ok in 2003 wurrn se weer Europameester un Viezweltmeester. 2004 hemm se ehrn natschonalen Meestertitel ut dat Vörjohr verteedigt, wurrn weer Europameester un eerstmals Weltmeester. Dat gelung hör 2005 nochmals. 2006 wurrn se to’n fieften Mal Europameester un wurrn denn ok noch in Turin Olympiasieger. To de Weltmeesterschapen sünd se denn aber nich mehr antreeden un hemm hör Amateurloopbahn afslooten un sünd blots noch in Iesrevues as Champions on Ice uptreeden.

Persönliches ännern

Totmjanina hett sück 2008 mit den Olympiasieger un mehrfacken Welt- un Europameester Alexei Jagudin verlobt. An‘n 20. November 2009 keem de gemeensam Dochter Jelisaweta, un 2015 de Dochter Michelle to Welt. In’n Februar 2016 hemm Jagudin un Totmjanina heiraadt.

Weblinks ännern