Tenley Albright
Tenley Emma Albright (* 18. Juli 1935 in Newton Centre, Massachusetts) is en ehmalge US-amerikaansch Ieskunstlöperin, de in‘ Eenzelloop antreeden dee. Se is de Olympia-Siegerin vun 1956 un Weltmeesterin vun 1953 un 1955.
Albright wurr van 1952 bit 1956US-amerikaansch Meesterin in’n Ieskunstloop vun de Fruen, van 1951 bit 1956 nehm se an Ieskunstloop-Weltmeesterschapen deel. 1954 un 1956 wurr se Viezweltmeesterin achter Gundi Busch, bzw. Carol Heiss. 1953 un 1955 wurr se dorgegen Weltmeesterin. Dormit weer se de eerste US-amerikaansch Weltmeesterin.
Bi hör eerst Olympiisch Winterspelen wunn Albright 1952 in Oslo de Sülvermedaille achter de britisch Löperin Jeannette Altwegg aber vör Jacqueline du Bief. Veer Jahr later hett se – trotz en Besehren an’t Been (Snitt), wat hör in’t Training passert weer – hör Landsfru un Konkurrentin Carol Heiss un wurr Olympiasiegerin. Dormit weer se eerste US-Amerikanerin, de Olympiasieger in’n Ieskunstlopen wurr.
Nah hör Olympiasieg 1956 is se vun den aktiven Sport aftreeden un is ok nicht o de Profis wesselt. Stattdessen hett se en Studium an de Harvard Medical School anfungen, dat se 1961 spoodriek afslooten hett. Ok all wiels hör aktiv Loopbahn harr se af 1953 an dat Radcliffe College studeert. Dornah weer se as Chirurgin tätig. Hör Interesse an dat Fack Medizin weer all in fröh Johren waakt wurrn, as se as Kind an Poliomyelitis krank wurrn weer.
De Mann vun Albright is de fröhere Ritz-Carlton-Hotelbesitter Gerald Blakely. Vörher weer se mit Tudor Gardiner verheiraadt.