Sardar Tenzing Norgay (* 15. Mai 1914; † 9. Mai 1986 in Darjiling) weer en nepalesisch Bargstieger un Liddmaat vun dat Sherpa-Volk. In dat Johr 1953 is he tosommen mit Edmund Hillary as Eerst op den Tipp vun de Mount Everest wesen. Vun Queen Elisabeth II. hett he de George Medal kregen.

Statue von Tenzing Norgay

Leben ännern

Sardar Tenzing Norgay is wohrschienlich op en Pilgerreis na dat tibetisch Kloster Ghang La boren. Oorsprünglich hett he Namgyal Wangdi heeten, nahdem aber en hogen Lama verkünd hett, dat he de Reinkarnatschoon vun en riek Sherpa weer, kreeg he de nee Naam „Tenzing Norgay“, plattdüütsch „rieken oder glücklichen Anhänger von de Religion“.

En poor Johren lang hett he Gelegenheitsarbeiten maakt. 1935 nehm he ünner de Leeden vun Eric Shipton eerstmals an en Expeditschoon to’n Mount Everest deel, de do noch nüms besteegen harr. He weer woll good genoog, so dat se hüm dornah faken nommen hebbt.

 
An’ 29. Mai 1953 is Tenzing Norgay tosommen mit Edmund Hillary as Eerst op den Tipp vun den Mount Everest ween.
 
Route vun Hillary un Norgay in’ April/Mai 1953

Baven op den Mount Everest is he an’ 29. Mai 1953 tosommen mit Edmund Hillary ankamen. Vörher hett he al en poor Maal Anloop nahmen, op den Barg to stiegen, – toletzt 1952 bi en Swiezer Expeditschoon ünner Raymond Lambert – un dat hett nienich klappt.

Een vun sien Söhn, Jamling Tenzing Norgay, weer 1996 ok op de Mount Everest, jüstso as een vun sien Enkel, Tashi Tenzing, 1997.

Literatur ännern

  • Tashi und Juzdy Tenzing: Tenzing and the Sherpas of the Everest. Sydney 2001 (deutsch: Im Schatten des Everest. Frederking & Taler Verlag, München, ISBN 3-89405-244-9)