The Speyside

The Speyside
Land	Schottland
Region	Highlands
Tyyp	Malt
Status	aktiv
Besitter
Grünnt	1990
Grünner	George Christie
Waterborn	River Tromie
Washstill(s)	1 × 13.000 l
Spiritstill(s)	1 × 7.000 l
Websteed	www.speysidedistillery.co.uk

The Speyside is en junge Whisky-Brenneree in Drumguish, an’n Tromie, en Nevenstroom vun den River Spey in Schottland.

Historie

De Destille Speyside is een vun de jüngsten Brennereen in Schottland. Se is vun George Christie grünnt worrn un befinnt sik in en ehmolige Gassen-Möhl in de Cairngorm-Bargen. De Möhl weer in de 1700er Johren an’n Stroom Tromie boet un mit Water andreven. 1965 is de Möhl dicht maakt worrn un weer in de 25 Johren dorna na un na in en Brenneree ümboet worrn. To Wiehnachten 1990 is denn de eerste Whisky brennt worrn. De Naam kummt vun en öllere Destille in Kingussie, de dat blots korte Tiet vun 1895 bit 1911 geven hett.

Produkschoon

De Brenneree höört to dat schottische Whiskyrebeet Speyside, de ehr Water för de Produkschoon ut den Tromie nimmt, en Nevenstroom vun’n Spey. En Sünnerheit vun de Brenneree sünd de teemlich lütten Brennblasen, de ok en lütt Produkschoonsvolumen mit sik bringt. In de Brenneree gifft dat en Meeschfatt un veer Gäärfatten to 20.000 l. Brennt warrt in een was still vun 13.000 l un een spirit still vun 7.000 l. In de Brenneree arbeit blots veer Lüüd, de för de hele Produkschoon tostännig sünd.

As Standard warrt de teihn-un de twölfjohrige The Speyside affüllt, as ok de Drumguish ahn fastleggt Öller. Bito warrt aver ok veel Whisky in Blends verbruukt.

Kiek ok

• List vun de schottischen Brennereen