The World’s Greatest Jazz Band
The World’s Greatest Jazz Band weer en spoodriek Tourneeband ünner de Leitung vun Yank Lawson un Bob Haggart, de tüschen 1968 un 1978 traditionellen Jazz speel.
De Band bestunn ut Musikers vun de Lawson-Haggart-Band ut de 1950er Johren un ut dat Orchester vun Bob Crosby un keem jedes Johr mehrmals tosommen, um up Tournee to gahn. To de Band hörrn t.B. Billy Butterfield, George Masso, Nick Fatool, Morey Feld, John Mince, Bud Freeman, Bob Wilber, Ralph Sutton, Peanuts Hucko, Nappy Lamare, Vic Dickenson, Carl Fontana, Gus Johnson, Johnny Best, Bobby Rosengarden (1973 - 1978) oder Jim Galloway, aber ok Eddie Lockjaw Davis oder Jay McShann.
De Band keem mit hör Live-Uptreden un mit hör Schallplatten to de Tiet vun hör Aktivität to en bannig groo Popularität. Dat leeg nich blots an de wat grootmoorsig Naam, sonnern ok an dat Potenzial vun eerstrangig Musikers, de anfangs in de Band speelt hemm. In de letzt Johren vun hör bestahn keem dat aber to gröttere Personalwessel un Fluktuationen in de Besetten, wat sück denn doch negativ up den musikalischen Standard utwirken dee.
Quellen
ännern- Martin Kunzler, Jazz-Lexikon, Bd. 2. 2002. ISBN 3-499-16513-9