Theda Ukena

Theda (* 1432 in Oldersum; † 16. November 1494 in Greetsiel) weer van 1466 bit etwa 1480 Regentin vun den Rieksgrafschap Oostfreesland.

Leben ännern

Theda Ukena weer de Enkelin un Arv vun den Hööftling Focko Ukena (storven 1436). Se wurr 1432 in Oldersum as Dochter vun Uko Fockena un Heba, de Dochter vun den Hööftling Lütet Attena vun Door'm, boren. Se weer vermootlich nah hör Grootmoder Theda von Reide, de eerst Fru vun Focko Ukena, nöömt. Hör Vader wurr noch in’n Juni 1432 umbrocht.

1455 wurr se de tweet Fru vun Ulrich I. ut dat Huus Cirksena, de siet 1464 Graaf vun Oostfreesland weer. Ut disse Ehe gungen van 1457 bit 1465 söss Kinner hervör: Heba, Gela, de latere Graf Enno I., Edzard I. – as Graaf vun Oostfreesland „de Grote“ nöömt, Uco un Almuth. Theda broch ünner annern Anspröök up Oldersum mit in de Ehe, wat den regeeren Hööftling Wiard von Oldersum düchtig swaak maken dee.

Nah den Dood vun Ulrich 1466 övernehm se, ünnerstütt dör den Hööftling Sibet Attena, de Amtsgeschäfte vun dat Huus Cirksena. 1474 hett se dat schafft, den Besitt vun den storven Hööftling Cirk vun Freebörg gegen de Anspröök vun Gerhard VI. vun Ollnborg för Oostfreesland to sekern. Af etwa 1480 hemm hör Söhns de Regeeren övernommen, ahn dat dat aber to en förmlich Herrschapsöverdragen keem.

Theda is an’n 16. November 1494 in Greetsiel. Se wurr in dat [[Kloster Marienthal (Nörden (Oostfreesland)|Kloster Marienthal]] bisett.

Literatur ännern

Walter Deeters: Theda. (PDF; 48 kB). In: Biographisches Lexikon für Ostfriesland. (afropen an’n 25. Juni 2012).
Günther Möhlmann: Cirksena] In: Neue Deutsche Biographie (NDB). Band 3, Duncker & Humblot, Berlin 1957, ISBN 3-428-00184-2, S. 255 f.
Günther Möhlmann: Edzard I. In: Neue Deutsche Biographie (NDB). Band 3, Duncker & Humblot, Berlin 1957, ISBN 3-428-00184-2, S. 317 f.
Paul Wagner: Theda Ukena In: Allgemeine Deutsche Biographie (ADB). Band 37, Duncker & Humblot, Leipzig 1894, S. 666–668.

Weblinks ännern

Ostfriesische Landschaft (Hrsg.): Theda Ukena, in: Starke Frauen erfahren. 10 Straßen und ein Frauenort in Aurich, afropen an‘n 3. Dezember 2020.