Thomas Duttenhoefer

Thomas Duttenhoefer (* 28. Februar 1950 in Speyer) is en düütschen Bildhauer. Babenhen verdeent he sien Geld as Professor för Grundlehr un Teken an de Fackhoochschool för Technik un Gestalten in Mannheim.

Utbillen un Karrier ännern

Vun 1967 - 1969 besöch he de Warkkunstschool in Wiesbaden. 1969 - 1972 studeer he Bildhaueree bi Erwin Schutzbach an de Fackhoochschool för Gestalten in Wiesbaden. 1971 un 72 reis he dör Europa, Marokko un Ägypten. 1973 un 74 maak he sien Zivildeenst in en Olenhuus in Wiesbaden. Dor teken he allerhand Biller vun de olen Lüde. 1973 kemen de eersten Köpp, Schädels un Helmen tostann. 1974 güng he vunwegen en Stipendium vun dat DAAD nah London. 1975 weer he dor Gastlehrer an dat Goldsmith-College. Vun 1976 af an geev he Ünnerricht an de Fackhoochschool in Wiesbaden. 1980 - 82 harr he en Lehrupdrag för plastisch Gestalten un Figurenteken an de Fackhoochschool in Mainz. 1984 kreeg he en Lehrupdrag an de Universität Mainz. Vun 1995 - 2003 weer he Professor an de Fackhoochschool in Trier. Vun 2003 af an is he Professor an de Fackhoochschool för Technik un gestalten in Mannheim. Duttenhoefer leevt al vun 1979 af an in Darmstadt in de Künstlerkolonie Mathildenhööchd.

Liddmaat ännern

He höört to de Nee Darmstädter Sezzeschoon, to de Pälzisch Sezzeschoon un to de Grupp Argo in Speyer mit to.

Warken ännern

In Mainz hett Duttenhoefer dat Denkmal för Bischop Ketteler up den Bischofslatz schapen, in Darmstadt dat Denkmal för de Bombenangreep in den Tweeten Weltkrieg. Warken vun em sünd to sehn in Coborg, Darmstadt, Hannober, Frankfort an'n Main, London un anner Städer. In Dudenhofen in de Palz hett he en Soot boot un in de Stadt Neustadt an der Weinstraße hett he tohopen mit den Glaskünstler Renato Santarossa de kathoolsche St. Berhard-Kark utsmückt mit en Krüüzweg un en groot iesern Krüüz. In den Bremer Oortsdeel Habenhusen hett he för de Simon-Petrus-Kark den Predigtstohl un dat grote Krüüz ut Iesen gaten. Dor hett he ok de Lüchten för den Altaar un den Paasch-Lüchter maakt. In'n Mai 2007 hett he ok noch acht Bronzebiller ut dat Leven vun den Apostel Simon Petrus för de grote Karkendöör aflevert.

Priesen ännern

  • Preis der Neuen Darmstädter Sezession (1975)
  • Förderpreis des Landes Rheinland-Pfalz (1978)
  • Hans-Purrmann-Preis vun de Stadt Speyer (1981)
  • Kunstpreis der Stadt Darmstadt (1988)
  • Jakob-Felsing-Preis für Bildhauerei vun de Volksbank Darmstadt (2000)

Literatur ännern

  • Thomas Duttenhoefer, Bischof und Stier. Katalog vun de Utstellen, Gerhard-Marcks-Huus Bremen, 10. August-5. Oktober 1997, un Galerie Netuschil Darmstadt, 13. März-18. April 1998.
  • Sabine Welsch (Rgv.): Thomas Duttenhoefer. Werkgruppen 1973-1994; Plastiken, Papiers Collés, Zeichnungen. Katalog vun de Utstellen vunwegen de Övergaav vun den Kunstpries vun de Stadt Darmstadt, Mathildenhööcht Darmstadt, 19. Juni-28. August 1994.
  • Petra Herbert: Die Auseinandersetzung mit Sterben und Tod in den Arbeiten von Thomas Duttenhoefer und Werner Knaupp. Magisterarbeit, Universität Frankfort an'n Main, 1991.
  • Claus K. Netuschil (Hrsg.): Thomas Duttenhoefer, das Porträtwerk. List vun de Porträts vun 1972 bit 1989. Mit Texten vun Bernd Krimmel un Thomas Duttenhoefer. Darmstadt (Saalbau-Galerie) 1989.

Weblenken ännern

  Thomas Duttenhoefer. Mehr Biller, Videos oder Audiodateien to’t Thema gifft dat bi Wikimedia Commons.