Tiel
Tiel is ene Hansestadt in den Wessen vun de Provinz Gelderlaand vun de Nedderlannen. Se gehöört to de Gemeen Tiel. De Stadt hett üm 35.000 Inwahners. Tiel liggt twüschen de Strööm Waal un Linge un den Amsterdam-Rhien-Kanaal. De Vörwahl vun Tiel is 0344.
Historie
ännern896 kreeg Tiel vun den frankschen Köönig Zwentibold dat Tollrecht. In't 10. un 11. Jahrhunnert weer de Stadt ene wichtige Hannelsstadt, wobi de Laag twüschen twee Strööm vun Bedüden weer. Tiel harr Verbinnen mit dat veel gröttere Köln. Dat geev ook Hannelsvebinnen mit England. De Stadt warr 1006 vun de Wikinger plünnert. Graaf Dirk III. van Holland nehm ahn Recht Toll In't 13. Jahrhunnert warr Tiel Liddmaat vun de Hanse, de för den Oostseehannel vun Bedüden weer. 1339 warr de Stadt geldersch. Hertog Jan II. vun Brabant geev denn Tiel an't Hertogdoom Geldern. De Festenwarken warrn utboot. In den Loop vun de Jahrhunnerden gung de internatschonale Bedüden verschütt. In't ole Stadtzentrum sünd Denkmalen, t. B. dat Amtmannshuus vun 1525 un de St. Martinskark. An't End vun't 19. Jahrhunnert warr Tiel ene lütte Industriestadt. In den tweeten Weltorloog geev dat Gefechten twüschen de Allieerden un de Düütschen. De Stadt worr swoor bombardeert.