Tjede Peckes

Tjede Peckes (* um 1500 in Padingbüddel; † 23. Dezember 1517 in de Slacht an’t Wremer Deep) weer en wusterfreesch Fahnenjumfer.

As sik de Wuster Buurn 1517 gegen de Afgaven an’n Arzbischop von Bremen Christoph von Brunswiek-Lünborg oplehnt hebbt, hett de en groot Heer na Wusten schickt, üm den Opstand daltokriegen. An de Slacht an’t Wremer Deep hett Peckes as Fahnenjumfer deelnahmen un is dorbi denn an’n 23. Dezember doodbleven.

De Grundschool in Wremen hett na ehr den Naam Tjede-Peckes-Grundschool kregen. An’t Wremer Deep is 2007 en Gedenktafel opstellt worrn, de an Peckes erinnert.