Toller Cranston

Toller Cranston in’n März 1974

Toller Shalitoe Montague Cranston, OC (* 20. April 1949 in Hamilton, Ontario; † um den 24. Januar 2015 in San Miguel de Allende, Mexiko) weer en kanaadsch Ieskunstlöper, de in’n Eenzelloop antreeden is.

BiographieÄnnern

Cranston wurr 1949 in Hamilton boren un is in Kirkland Lake upwussen. Mit söss Johren fung he mit dat Ieskunstloopen an. Bi sien eerst natschonalen Meesterschapen 1968 kunn he sück nich för de Olympisch Winterspelen in Grenoble qualifizeeren. Sien Trainerin Ellen Burka hett hüm aber wiederhen vöranbrocht.

He weer van 1971 bit 1976 kanaadsch Meester in’n Ieskunstloop. 1975 weer he de Sportler van dat Johr in Kanada, 1977 kreeg he den Order of Canada. Ofschons he wegen sien Swaakheiten in’n Plichtprogramm nie Weltmeester oder Olympiasieger wurr, kreeg he regelmatig Bestnoten in dat Kürprogramm, bi dat he dör sien utdrucksstarken Vördrag övertüügen kunn. Tosommen mit John Curry hett he dat Ieskunstloopen up en nee künstlerisch Niveau anhaben.

Sien eenzig Medaillen bi groot internatschonalen Turnieren weeren twee Bronzemedaillen. De hett he bi de Weltmeesterschap 1974 in München (achter Jan Hoffmann un Sergei Wolkow) as ok bi de Olympisch Winterspelen 1976 in Innsbruck (achter John Curry un Wladimir Kowaljow) haalt. In München wurr he as en Weltmeester fiert. In dat Öller van 27 Jahren wurr he Profi un weer ok as Choreograph van Iesrevuen tätig. 1980 un 1982 kreeg he dorför de Golden Roos van Montreux. Buterdem hett he ok as Feernsehkommentator arbeit.

He is ok in tallriek Ieskunstloopfilmen un TV-Specials uptreeden, as Stars on Ice (1980/81), Strawberries on Ice (1982) un Die Eisprinzessin (1996) mit Katarina Witt.

Nah sein Afscheed van den Sport hett Cranston in San Miguel de Allende in Mexiko leevt un sück as Maler un Illustrater betätigt. Sien Biller hemm sück faken um dat Thema Ieskunstlopen dreiht. Sien Warken wurrn in tallriek Utstellungen wiest. Cranston hett ok dree Böker herutbrocht, dorvan twee autobiografische, de he tosommen mit Martha Lowder Kimball verfaat hett. In sien tweet Autobiografie When Hell Freezes Over: Should I Bring My Skates? seggt Cranston, dat he wiels de Weltmeesterschap 1973 en Affäär mit Ondrej Nepela harrt harr, de sien sportliche Leistung stark beinfloot harr.

An‘n 24. Januar 2015 wurr he in sien Huus in San Miguel de Allende dood upfunnen.[1]

BökerÄnnern

Tosommen mit Martha Lowder Kimball schreev Toller Cranston mehrere Böker över Ieskunstloop:

  • Zero tollerance: an intimate memoir by the man who revolutionized figure skating. Toronto 1997, ISBN 0-7710-2334-0
  • When hell freezes over, should I bring my skates? Toronto 2000, ISBN 0-7710-2336-7
  • Ice cream: thirty of the most interesting skaters in history. Toronto 2002, ISBN 0-7710-2332-4

Enkeld NahwiesenÄnnern

  1. Toller Cranston, figure skating legend, dies in Mexico at age 65

WeblinksÄnnern

  Toller Cranston. Mehr Biller, Videos oder Audiodateien to’t Thema gifft dat bi Wikimedia Commons.