Tomáš Hasilla
Tomáš Hasilla (* 23. August 1990 in Brezno, Slowakei, ČSFR) is en slowaaksch Biathlet.
.JPG)
Tomáš Hasilla vun den Klub biatlonu Osrblie hett sien eerst internatschonalen Rennen 2007 in den Europacup vun de Junioren bestreeden. Eerste internatschonale Meesterschapen wurrn de Biathlon-Juniorenweltmeesterschapen 2008 in Ruhpolding, wo he 38. vun dat Eenzelrennen, 39. vun den Sprint, 46. in de Verfolgung un 15. mit de Staffel wurr. Dorneh falgten de Juniorenrennen bi de Biathlon-Europameesterschapen 2008 in Nové Město na Moravě, bi de he Platz 55 in dat Eenzelrennen, 65 in' Sprint recken un mit de Staffel weer up Platz 15 keem. Ok dornah reck dat nie nich för en Podestplatz bi de Junioren.
In' Sömmer 2011 nehm he tonächst spoodriek an de Sömmerbiathlon-Europameesterschapen 2011 in Martell deel un belegg in' Sprint den 4. Platz, wunn aber achter Iwan Morawskyj in dat Verfolgungsrennen un mit Paulína Fialková, Lucia Simová un Michal Kubaliak in dat Mixed-Staffelrennen jewiels de Sülvermedaille.
Sien eerst internatschonal Rennen bi de Mannlüüd hett Hasilla 2009 in' Europacup bestreeden. In Osrblie wunn he as 38. vun en Sprint in sien eerst Rennen ok glieks de eersten Punkte. Eerst internatschonale Meesterschapen wurrn de Biathlon-Europameesterschapen 2012 in Osrblie. Hasilla wurr 34. vun dat Eenzelrennen, 20. in' Sprint un 17. in de Verfolgung. In dat Staffelrennen wurr he mit Martin Otčenáš, Norbert Gröne un Peter Kazár 12. Natschoonal wunn he 2012 mit Sülver in dat Massenstartrennen achter Martin Otčenáš bi de slowaaksch Meesterschapen en eerst Medaille.
Wiels de Weltcup-Saison 2012/2013 wurr Hasilla tweemal in Staffelrennen insett, keem dorbi jewiels up Platz 7 un reck somit Weltcuppunkte.
In de Saison 2013/2014 hett sück Hasilla sien eerst Punkte in en Individualweltcuprennen haalt. Bi dat Eenzelrennen in Annecy-Le Grand Bornand reck he Platz 32 un dormit negen Weltcuppunkte. Dornah keem he noch tweemal ünner de best 40 un belegg in de Gesamtwertung Platz 80. In de Folgesaison reck he blots tweemal Platz 40, harr somit 2 Punkte, wat hüm up Rang 91 bzw. den letzten Platz in den Weltcup broch.
In de Weltcup-Saison 2015/16 reck he up de eerst Weltcupstatschoon mit Platz 22 in dat Verfolgungsrennen vun Östersund sien bit dorhen best Platzeeren in Weltcup. An dat Enn vun de Saison harr he Rang 78 reckt.
Noch beeter verleep de Saison 2016/17, de hüm besünners mit Platz 16 in dat Verfolgungsrennen bi de Biathlon-Weltmeesterschapen 2017 in Hochfilzen sien eerst Platzeeren ünner de best 20 inbroch. In’t Eenzel keem he up Platz 60, mit de Staffel un de Mixed-Staffel jewiels up Platz 12.
Weblenken
ännern
- Indrag in de Datenbank vun de IBU (engelsch)