Tönnies

Sied för en mehrdüdig Begreep op Wikimedia
(wiederwiest vun Tonies)

Tönnies (ok Tönjes, Tonies un Töns) is en plattdüütschen Vörnaam för Jungs.

HerkamenÄnnern

Dat warrt annahmen, de Naam hett wat mit den röömschen Naam Antonius to kriegen. Disse Naam weer de Familiennaam vun de Gens Antonia, de vun sik sülvs segg, dat se vun Anton, den Söhn vun Herkules, herstamm. Verwandt is de Form mit den Naam Tünnes an’n Rhien, de ok as Figur in’t Hänneschen-Theater vörkaamt (Tünnes un Schäl).

To de bekannteren Dregers vun den Naam hören Tönnies Evers de Jüngere un Tönnies Evers de Öllere, de as Snittjermeesters in Lübeck leven.

FundöördÄnnern

In ole Listen oder Urkunnen finnt sik de Naam to’n Bispeel

DörpsnaamÄnnern

De beiden Öörd Sankt Tönis (Gemeen Tönisvorst) un Tönisberg de al in franksch Rebeet liggt, hebbt beid ehren Naam vun jemehre Antonius-Karken.

FamiliennaamÄnnern

De Familiennaam Tönnies, Tönjes oder Tönniessen kümmt woll vun düssen Vörnaam her un bedutt so veel as: Ut Tönnies sien Familie. Fakener vörkamen deit de Naam in dat ole Sassenrebeet un besünners in dat hüdige Westneddersassen. De gröttste Andeel vun Lüüd mit den Naam Tönnies leevt in de Kreisen Cloppenborg un Vechte. Alltohoop mach dat woll so üm un bi 2000 Lüüd geven, de hüüt dissen Naam in Düütschland hebbt.

To de bekannteren Dregers vun den Naam hören de Politiker Albert Tönjes un de Denker Ferdinand Tönnies.

Kiek ok nah biÄnnern

WeblenkenÄnnern


BökerÄnnern