Topaz (Appel)
De Topaz is en noch teemlich junge Sort vun’n Huusappel, de 1984 in Tschechien tücht worrn is. De Sort wiest sik dör en hoge Schorfresistenz ut. Se is goot egent för den Huusgoorn oder för den Bio-Anbo, vunwegen dat de Insatz vun Plantenschuulmiddels wegen de lütte Anfalligkeit minnert warrn kann.
De Appel is middelgroot un tomeist geel, wiest faken aver ok grote ro’e Farvstriepens op. Dat Fruchtfleesch is fast, fienzellig un knackig, un de Appel smeckt saftig un sööt-süerlich. Vun Natur ut is de Schall speckig-wassig. Vun Mitt Oktober an kann de Appel plückt warrn un is denn Anfang Dezember riep to’n Geneet. In’t Köhllager kann de Appel bit März lagert warrn, in’t CA-Lager bit Mai.
Wegen de Anfalligkeit för Kragenfüül warrt toeerst en Twüschenvereddeln maakt[1]. Dorbi warrt en Sort, de dorför nich so anfallig is, op de Ünnerlaag proppt, op de denn eerst de Topaz-Appel vereddelt warrt. Lasten hett de Sort ok mit de mehlige Appelblattluus (Dysaphis plantaginea), de disse Sort geern befallen deit[2]. Wenn de Appels lang lagert warrt kann dat gröttere Verlusten dör Gloeosporium-Füül kamen[3]. Toletzt hett de Sort ok en Anfalligkeit för Füürbrand, wat sünners dör de Anlaag to’n Nableihn vun disse Sort to en Infekschoon föhren kann.
Literatur
ännern- Manfred Fischer: Farbatlas Obstsorten, Ulmer Verlag, Stuttgart 2003, ISBN 3-8001-5547-8, Siet 92.
Borns
ännernWeblenken
ännern
- Info vun’n Verband vun de Bedensteten för Aaftbo, Goorn un Landspleeg to Topaz, afropen an’n 16. Mai 2010