Torsten Quidde

Torsten Quidde (* 24. April 1932 in Hilmssen; † 24. Juni 2004 in Hannover) weer en düütschen Verwaltungsbeamten.

Quidde is 1932 in Hilmssen as Söhn von’n Landgerichtspräsident Friedrich Quidde boren. 1951 hett he sien Abitur an dat Gymnasium Andreanum maakt un denn Juristeree an de Universitäten Köln, Freiburg un Göttingen studeert. In Köln weer he Liddmaat von dat Corps Silesia Breslau. 1957 hett he in Göttingen sien Dokter maakt över dat Thema Die Dienstherrenfähigkeit juristischer Personen des öffentlichen Rechts, 1959 dat Examen as Assesser bestahn un 1963 en Master of public administration an de Universität Harvard kregen. He hett denn bi dat Binnenministerium von Neddersassen arbeidt un is 1970 Kommunaldezernent bi’n Regerungspräsident von’n Regerungsbezirk Ossenbrügge worrn.

He is 1971 as Nafolger von Waldemar Büning Böverkreisdirekter von’n Landkreis Land Hadeln worrn. He harr dat Amt bet to’n 31. Juli 1977, as de Landkreis Land Hadeln oplööst un mit’n Landkreis Wersermünn un de Stadt Cuxhoben to’n ne’en Landkreis Cuxhoben tohoopleggt worrn is.

He is denn in Rohstand gahn un weer noch en poor Johr as Avkaat in Hannover aktiv.

Quidde hett an’n 3. August 2001 de Ludwig-Quidde-Stiftung grünnt, de na Ludwig Quidde nöömt is. Ludwig Quidde weer mit Torsten Quidde nich verwandt. Na sien Dood is en Deel von dat Arv in de Stiftung flaten.

Warken

• Die Dienstherrenfähigkeit juristischer Personen des öffentlichen Rechts. Göttingen 1958
• Friedensnobelpreisträger Ludwig Quidde. Ein Leben für Frieden und Freiheit. Berliner Wissenschaftsverlag (BWV), Berlin 2003, ISBN 9783830505426

Literatur

• Horst Reichel: In memoriam Torsten Quidde, in: Corpszeitung der Borusso-Silesia, Heft 207 vom 1. März 2005, S. 31-32.