Trientje
Vörnaam för Froonslüüd
Trientje (ok Trintje) is en plattdüütschen Vörnaam för Deerns.
Herkamen ännern
Trientje is en Smusenaam. De is maakt wurrn vun den greekschen Vörnaam Katharina. Dor is denn de korte Form Trine vun maakt wurrn.
De Smusenaam ännern
As dat bi de Plattdüütschen begäng weer, is an de korte Form vun den Naam en Suffix to'n Lüttjer maken achtern anbackt wurrn. Dat weer dat Anbacksel -tje. So is denn ut Trine de Smusenaam Trientje wurrn. Düsse Naam bedutt „Lütt Katharina“ oder „Lüttje Trine“.