Triller Barg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21244 | |
| Vörwahl: | 04186 | |
| Geograafsche Laag: | Koordinaten:53° 20′ N, 9° 49′ O53° 20′ N, 9° 49′ O | |
|
| ||
Triller Barg (hoochdüütsch Trelder Berg) is en lütten Oort in de Gemeen Bookholt in’n Landkreis Horborg, Neddersassen. De Oort höört polietsch al von öllers bi Trill mit bi.
Geografie
ännernDe Triller Barg liggt en Stück in’n Süden von’n Stuvenwoold, dicht bi’n Schierenbarg, de 98 Meter över NN liggt.
De Naveröörd sünd Mienenbüddel in’n Noorden, Dangersen, Steenbeek un Meilsen in’n Noordoosten, Bookholt in’n Oosten, Suurhoop in’n Süüdoosten, Sprötz in’n Süden, Trill in’n Süüdwesten, Dreest in’n Westen un Winzendörp un Klauenborg in’n Noordwesten.
Historie
ännernAs 2002 dat Gewarvrebeed Triller Barg anleggt worrn is, sünd dorbi en ganze Reeg archäoloogsche Funnen vördaag kamen. Disse Funnen höört to en 1800 Johr ole Siedlung, de Trill 23 nöömt warrt. De Funnen sünd as Boddendenkmaal registreert.
Verwaltungsgeschicht
ännernDe Oort is as Deel von de Gemeen Trill an’n 1. Juli 1972 mit de Gemeenreform in Neddersassen Deel von de Gemeen Bookholt worrn.
Religion
ännernTriller Barg is evangeelsch-luthersch präägt un höört to dat Kaspel von de Krüüzkark in Sprötz.
För de Kathoolschen is de St.-Petrus-Kark in Bookholt tostännig.
Weertschop un Infrastruktur
ännernIn’n Süüdwesten von Triller Barg staht twee Windkraftanlagen.
In Triller Barg an de Krüzung von B 3 un B 75 liggt dat Gewarvrebeed Triller Barg, dat 64,8 Hektar groot is. Dat Gewarvrebeed is 2002 inricht worrn. Vör allen Autohüüs sünd dor ansiedelt.
Verkehr
ännernAn’n Süüdrand von Triller Barg krüüzt sik de Bundsstraten B 3 un B 75. De B 75 geiht in’n Noordoosten na Ninndörp un in’n Süüdwesten na Töst un Rodenborg. De B 3 löppt in’n Noorden na de B 73 bi Buxthu un in’n Süden op Snevern un Soltau to.
De nächste Autobahn is de Autobahn 1. De Opfohrt 44 Raad liggt so fiev Kilometer in’n Noorden von Triller Barg an de B 3.
De nächste Bahnhoff is so bi dree Kilometer wied weg in’n Süden de Bahnhoff Sprötz an de Bahnlien Hamborg–Bremen.