Tullibardine

Tullibardine is en Whisky-Brenneree in Blackford, in de traditschonellen Graffschopp Perthshire, Schottland.

Tullibardine
Brenneree Tullibardine (Foto: Colin Kinnear)
Land	Schottland
Region	Highlands
Tyyp	Malt
Status	aktiv
Besitter	Picard Vins & Spiritueux
Grünnt	1949
Architekt	William Delmé-Evans
Waterborn	Danny Burn
Washstill(s)	2
Spiritstill(s)	2
Produkschoonsvolumen	2.700.000 l
Websteed	www.tullibardine.com

Historie

Al in’t late 18. Johrhunnert un fröhe 19. Johrhunnert geev dat en Whisky in dat Rebeet vun Perthshire, de ünner den Naam Tullibardine (Schottsch-gäälsch för „Utsichts-Hövel“^[1]) bekannt weer^[2]. De hüütige Destille Tullibardine steiht op dat Rebeet vun en ehmolige Broeree, de vun William Delmé-Evans vun 1947 an in en Brenneree ümboet worrn is. He hett later ok de Brennereen vun Isle of Jura un Glenallachie plaant. De Destille is 1949 in Bedrief gahn^[1]. 1953 weer de Brenneree an Brodie Hepburn Ltd. ut Glasgow verköfft, de 1971 vun de Invergordon Distillers Ltd. övernahmen worrn is. De hebbt 1973 twee tosätzliche Brennblasen inboen laten. As Invergordon 1993 an Whyte & Mackay Distillers Ltd. gahn is, weer Tullibardine as nich mehr nödig ansehn un dicht maakt. 2003 hett en Kunsortium den Standoort för 1,1 Millionen Pund vun Whyte & Mackay köfft un de Produkschoon wedder opnahmen. Siet 2011 is de Destille in de Hand vun dat franzöösche Famillienünnernehmen Picard Vins & Spiritueux^[2].

Produkschoon

En Tullibardine-Whisky vun 1993

De Tullibardine-Brenneree höört to dat schottische Whiskyrebeet Highlands un betütt dat Water för de Produkschoon ut den Danny Burn^[1]. Brennt warrt in twee wash stills un twee spirit stills mit en Produkschoonsvolumen in’t Johr vun ruchweg 2.700.000 l. De Brenneree kann besichtigt warrn un tellt woll to de an’n meisten besöchte Destillen vun Schottland (2010 weern ruchweg 120.000 Besökers tellt).

Kiek ok

List vun de schottischen Brennereen

Borns

↑ ^a ^b ^c De offizielle Websteed vun de Tullibardine-Brenneree
↑ ^a ^b G. Smith, D. Roskrow, J. Deibel & D. de Kergommeaux: Das Große Whiskybuch (Originaltitel: Whisky Opus, 2012), düütsche Utgaav vun 2013, DK London

Weblenken

Tullibardine. Mehr Biller, Videos oder Audiodateien to’t Thema gifft dat bi Wikimedia Commons.

Koordinaten:56° 15′ N, 3° 47′ W

[web-1] De offizielle Websteed vun de Tullibardine-Brenneree

[buch-2] G. Smith, D. Roskrow, J. Deibel & D. de Kergommeaux: Das Große Whiskybuch (Originaltitel: Whisky Opus, 2012), düütsche Utgaav vun 2013, DK London

[1]

[2]