Wapen/Flagg Koort
Wapen unbekannt
Tzassenholt
Laag vun Tzassenholt in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Heeßel
Flach: 8,99 km²
Inwahners: 186 (2010-12-3131. Dezember 2010)
Inwahnerdicht: 20,7 Inwahners pro km²
Postleettall: 27432
Vörwahl: 04766
Geograafsche Laag:
Koordinaten:53° 21′ N, 9° 19′ O
53° 21′ N, 9° 19′ O

Karte

Tzassenholt (hoochdüütsch Sassenholz) is en Dörp in de Gemeen Heeßel in’n Landkreis Rodenborg, Neddersassen.

Geografie ännern

De Twiest flütt so bi 300 Meter in’n Noordwesten an Tzassenholt langs.

De Naveröörd sünd Annerlingen in’n Noorden, Viehbrook in’n Noordoosten, Wens, Sellhoop un Bohnst in’n Oosten, Bötzen in’n Süüdoosten, Meinst, Heeßel un Offens in’n Süden, Brauel in’n Süüdwesten, Seedörp un Twistenbossel in’n Westen un Haaßel un Sürsen in’n Noordwesten.

Historie ännern

Bi Tzassenholt gifft dat en oold Hünengraff, dat Hünengraff Tzassenholt.

De Oort kummt an’n 4. März 1400 as Tzersenholte toeerst in en Oorkunn von’n Veerner Bischop Konrad vör, in de he den Teegden in Tzassenholt an Propst Robert in Zeven, Priorin Mechthild un dat Kunvent in Zeven schenkt. An’n 24. Juni 1400 is denn von’n Bremer Arzbischop Otto noch en twete Oorkunn utstellt worrn, in de insteiht, dat Propst Robert in Zeven den Teegden in Tzassenholt an dat Klooster Zeven gifft.


In’n Eersten Weltkrieg sünd negen Soldaten ut Tzassenholt fullen oder vermisst un in’n Tweten 20[1].

Bi’n Weddstried Uns Dörp schall schöner warrn weer de Oort 1998 Kreiswinner.

Verwaltungsgeschicht ännern

In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven tohöört. 1932 is dat Deel von’n Kreis Bremervöör worrn un 1977 von’n Landkreis Rodenborg. De Oort Twistenbossel is 1907 Deel von de Gemeen Tzassenholt worrn.

Tzassenholt is an’n 1. März 1974 mit de Gemeenreform in Neddersassen Deel von de Gemeen Heeßel worrn.

Inwahnertall ännern

Johr Inwahners
1824-00-001824[2] 6 Füürsteden
1848-00-001848[3] 98 Lüüd, 17 Hüüs
1910-12-011. Dezember 1910[4] 154
1925-00-001925[5] 141
1933-00-001933[5] 176
1939-00-001939[5] 198
2010-12-3131. Dezember 2010 186

Religion ännern

Tzassenholt is evangeelsch-luthersch präägt un höört to de Karkengemeen von de Lamberti-Kark in Sürsen.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Börgermeesters/Oortsbeopdragte ännern

Börgermeesters ännern

  • –1853: Lütje Ehlers
  • 1853–1854: Jakob Holsten
  • 1854–1865: Johann Brinkmann
  • 1865–1871: Lütje Lemmermann
  • 1871–1877: J. Christoph Lahde
  • Juni 1877–Oktober 1877: Johann Tomforde
  • 1877–1883: Claus Grimm
  • 1883–1888: Joachim Dubbels
  • 1888–1906: Hinrich Schnackenberg
  • 1906–1912: Johann Dubbels
  • 1912–1934: Johann Warncken
  • 1934–1945: Georg Lahde
  • 1945–1954: Hinrich Pape
  • 1954–1964: Heinrich Dubbels
  • März 1964–Oktober 1964: Werner Harms
  • 1964–1972: Hinrich Pape
  • 1972–1974: Georg Lahde

Oortsbeopdragte ännern

  • 1974–1978: Georg Lahde
  • 1978–1980: Heinrich Dubbels
  • 1980–1981: Hinrich Pape
  • 1981–1991: Georg Lahde
  • 1991–2006: Günther Behrens
  • 2006–: Frank Braasch

Kultur ännern

En Denkmaal för de Fullenen ut de twee Weltkrieg’ steiht an de Hauptstraat.

Verenen ännern

De Freewillige Füürwehr Tzassenholt is 1930 grünnt worrn.

Infrastruktur ännern

Verkehr ännern

Tzassenholt liggt an de Kreisstraat 110, de in’n Süüdoosten na Heeßel löppt un in’n Noorden na Annerlingen un Ohrel. De K 134 geiht in’n Oosten na Bohnst an de K 120 un in’n Süüdwesten bi Brauel an de Bundsstraat 71. Na de Autobahn 1 sünd dat na de Opfohrt 48 Elsdörp so bi 16 Kilometer.

De nächsten Bahnhoff is de Bahnhoff Kutenhult an de Bahnlien Buxthu–Bremerhoben, de so 16 Kilometer in’n Noorden langslöppt.

De Flegerplatz Seedörp is so bi twee Kilometer in’n Westen.

Footnoten ännern

  1. http://www.denkmalprojekt.org/2009/heeslingen-sassenholz_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 532: http://books.google.de/books?id=tG0AAAAAcAAJ&pg=PA532
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  4. http://www.gemeindeverzeichnis.de/gem1900/gem1900.htm?hannover/bremervoerde.htm
  5. a b c http://www.verwaltungsgeschichte.de/bremervoerde.html

Weblenken ännern