Udo Poser

Udo Poser (* 21. August 1947 in Hildburghausen) is en ehmalger düütsch Swemmsportler, de för de DDR starten dee.

Udo Poser wurrd DDR-Meester 1969 över 200 Meter Delphin

Bi de Europameesterschapen 1966 is he to’n eersten Mal in‘ internatschonalen Sport bekannt wurrn, as he mit de 4 × 100 m Freestilstaffel Europameester wurr un mit de 4 × 100 m Lagenstaffel de Sülvermedaille wunn. 1970 kunn he sück denn den Titel över 200 m Delphin (vör Folkert Meeuw un Hartmut Flöckner) un mit de Lagenstaffel sekern, över 100 m Delphin reck dat noch to de Sülvermedaille achter Hans Lampe aber vör den sowjeetschen Swemmsportler Wladimir Nemschilow.

Bi Olympisch Spelen 1968 un 1972 kunn he dorgegen kien Medaillen winnen. Sien best Platzeeren weer Platz 5 1968 mit de 4-mal-100-Meter-Freestilstaffel. 1970 kreeg he den Vaterländischen Verdienstorden in Sülver.

Weblenken

• Udo Poser in de Datenbank vun Sportsreference.com (engelsch)