Ulrich von Dornum
Ulrich von Dornum (* 1465/66[1]; † 12. März 1536 in Oldersum) weer en Söhn vun den oostfreeschen Hööftling Sibet Attena un de sien tweet Ehfru Margarete von Westerwolde.
Dör sien Heirat mit Essa von Oldersum in dat Johr 1494 wurr Ulrich von Dornum Herr vun de half Herrlichkeit Oldersum, as ok vun Jarßum un Widdelswehr.[1] Sien vun sien Vader testamentarisch verfügt Arvdeel in dat dat Harlingerland wurr hüm dorgegen vun sien ölleren Steefbröer Hero Omken vörenthollen. Essa von Oldersum is all 1515 storven. Wiel de Ehe ahn Kinner bleev, full hör Arv nah Recht un Vertrag an dat Huus Oldersum torüch. Ulrich hett 1519 in tweet Ehe Hyma von Grimersum heiraadt.
In’n Juni 1526 hett Ulrich von Dornum dat so nöömt Oldersumer Religionsgespräch in de Oldersumer Kark up den Weg brocht un organiseert. De vun hüm verfaat Daalschrift vun de Oldersumer Disputatschoon wurr noch in dat sülvig Johr bi Nikolaus Schirlentz in Wittenbarg druckt. Mit de Verbreeden vun disse Schrift hett Ulrich von Dornum entscheedend to de wiet Verbreeden un to en gau Dörsetten vun de Reformatschoon in Oostfreesland bidraagen.
Kiek ook bi
ännernEnkeld Nahwiesen
ännern- ↑ a b Klaus Euhausen (Ortschronisten der ostfriesischen Landschaft): Oldersum, Gemeinde Moormerland, Landkreis Leer (PDF; 1,2 MB)
Literatur
ännern- Paul Wagner: Dornum, Ulrich von. In: Allgemeine Deutsche Biographie (ADB). Band 39, Duncker & Humblot, Leipzig 1895, S. 246–248.
- Gerhard Ohling: Dornum, Ulrich von. In: Neue Deutsche Biographie (NDB). Band 4, Duncker & Humblot, Berlin 1959, ISBN 3-428-00185-0, S. 82