De University of Utah (ok The U, U of U oder UU nöömt) is en staatliche Universität in Salt Lake City in‘n US-Bundsstaat Utah. To Tiet sünd dor um de 29.000 Studenten inschreeven. De Hoochschool is besünners bekannt för hör Forschung un Lehre in den Berieken Informatik, Medizin un Populatschonsbiologie. Dat University of Utah Medical Center kreeg 1983 weltwiet Bekanntheit, as Barney Clark – en Kuusendokter ut Seattle – dat eerste Kunsthart inplant wurr, mit dat he 122 Daag leevt hett.

Kingsbury Hall

Geschichte ännern

De Universität wurr an’n 28. Februar 1850 vun Brigham Young, den Propheten vun de Kark Jesu Christi de Hilligen vun de Letzt Daag („Mormonen“) grünnd, dormals ünner de Naam University of Deseret. Twee Johr later weer dat Geld verbruukt un de Hoochschool muss dicht maaken. 1867 wurr se as Hannelshoochschool weer apen maakt un kreeg 1894 den jetzigen Naam. Siet 1900 befinnd sück de Campus twee Mielen östlich vun de Binnenstadt.

De University of Utah nehm 1969 an dat Arpanet deel, en Vörlöper vun dat hüdige Internet. Dormit hörrt se tosommen mit dree anner Forschungsinrichtungen to de eerst veer Deelnehmer, de mit Internet-Technologie mitnanner verbunnen wurrn.

Organisatschoon ännern

Fakultäten un Studiengänge ännern

  • Architektur un Planung
  • Bargbau un Geowetenschapen
  • Ethnische Studien
  • Geisteswetenschapen
  • Gender Studies
  • Ingenieurwesen
  • Technische Informatik (Computational Engineering and Science)
  • Naturwetenschapen
  • Pädagogik
  • Rechtswetenschapen (SJ Quinley College of Law)
  • Kunst
  • Soziale Deenste
  • Umweltstudien
  • Wertschaftswetenschapen (David Eccles School of Business)
  • Honors Programs

Wetenschapliche Inrichtungen ännern

  • Center for Excellence in Nuclear Technology
  • Energy and Geoscience
  • Institute for Combustion and Energy Studies
  • Institute of Public and International Affairs
  • Scientific Computing and Imaging Institute

Tosatzutbillen ännern

  • Programm Data Center Management[1]

Athletikafdeelen ännern

De Sportteams vun de Universität wurrn Utah Utes nöömt. De Hoochschool is Liddmaat vun de Pacific-12 Conference. Dat gifft en Rivalität mit de ebenfalls in Utah to Huus ween Brigham Young University.

Up den Campus weer wiels de Olympisch Winterspelen 2002 dat olympisch Dörp ünnerbrocht, ok de Anfangs- un Slusszeremonie funn dor statt. .

Persönlichkeiten ännern

Weblinks ännern

  University of Utah. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Thomas Burr, Nate Carlisle (30. März 2013): New University of Utah program prepares students to work at new NSA center – Data center » Spy agency officials brief Utah politicians on status of the facility (Engelsch). The Salt Lake Tribune. Afropen an’n 20. Juni 2013.

Koordinaten: 40° 45′ 54″ N, 111° 51′ 0″ W